‘एफ-३५’विषयी औपचारिक प्रस्ताव नाही!

‘इंडिया टुडे’ या खासगी वृत्तवाहिनीने आयोजित कार्यक्रमात बोलताना एअर चीफ मार्शल सिंग म्हणाले की, भारताला अत्याधुनिक तंत्रज्ञान स्वीकारण्याची आणि पाचव्या पिढीतील लढाऊ विमान खरेदीच्या कार्यक्रमाला गती देण्याची गरज आहे. हवाई दलाने अद्याप एफ-३५ विमानांचे विश्लेषण केलेले नाही आणि त्याच्या किंमतीवरही विचार करण्याची गरज आहे. आपल्या गरजा आणि विमानाची वैशिष्ट्ये विचारात घेतली जातील असे ते म्हणाले. विमानाची किंमत जवळपास ८ कोटी डॉलर इतकी असून ते जगातील सर्वात महागड्या लढाऊ विमानांपैकी एक आहे. त्यांच्या कामगिरीवरही शंका उपस्थित करण्यात आल्या आहेत असे त्यांनी सांगितले.