चर्चा तर होणारच.. : बांगलादेशचे ‘चार वाघ’

‘बांगला टायगर्स’ या नावाने ओळखल्या जाणाऱ्या बांगलादेशने रविवारी बलाढय़ दक्षिण आफ्रिकेला पराभवाचा धक्का दिला. मात्र विश्वचषकात यापूर्वीही बांगलादेशने आफ्रिकेला धूळ चारली होती. २००७मध्ये वेस्ट इंडिज येथे झालेल्या विश्वचषकात बांगलादेशने ६७ धावांनी विजय मिळवला होता. मुख्य म्हणजे त्यावेळच्या संघात सहभागी असलेल्या तमिम इक्बाल, शकिब अल हसन, मुशफिकर रहिम आणि मश्रफी मोर्तझा यांचा या संघातही समावेश असल्याने सोमवारी समाजमाध्यमांवर ‘बांगलादेशचे चार वाघ’ अशा मजकुरासह या चौघांचेही त्या विश्वचषकातील आणि यंदाच्या विश्वचषकातील छायाचित्र फार चर्चेत होते