धोनी ‘राष्ट्रीय छात्र सेना’साठी सूचना करणार….

देशांत ज्युनियर ( शालेय स्तर ) आणि सिनियर ( महाविद्यालय ) अशा दोन स्तरावर राष्ट्रीय छात्र सेनेचे १० लाखापेक्षा जास्त विद्यार्थी प्रशिक्षण घेत आहेत. सामाजिक आणि नागरी कर्तव्ये याची जाणीव राष्ट्रीय छात्र सेनेच्या विद्यार्थांना विविध कार्यक्रम आणि उपक्रमांच्या माध्यमातून करुन दिली जाते. याचबरोबर विद्यार्थ्यांना भविष्यात सैन्य दलांत सहभागी होण्यासाठी प्रोत्साहन मिळावे यासाठी विविध पातळीवर सैनिकी प्रशिक्षण देत सैन्य दलाची तोंड ओळख करुन दिली जाते.

आंतरराष्ट्रीय स्तरावर युवकांसाठी असलेला उपयुक्त कार्यक्रम, सुधारणा यांचा समावेश छात्रेसेनेच्या अभ्यासक्रमात करण्याबाबात ही समिती उपाययोजना सुचवणार आहे. तसंच राष्ट्रीय छात्र सेनेचा दर्जा उंचावण्यासाठी छात्रसेनेच्या माजी विद्यार्थ्यांचे सहकार्य घेण्याबाबतही ही समिती सुचना करणार आहे. या समितीचा कार्यकाल किती दिवसांचा असेल हे मात्र संरक्षण दलाने स्पष्ट केलेलं नाही.