नवी दिल्ली : नव्या स्वरूपातील वैयक्तिक माहिती-विदा संरक्षण विधेयक संसदेच्या अर्थसंकल्पीय अधिवेशनामध्ये मांडले जाणार आहे. या विधेयकाचा अंतिम मसुदा तयार असल्याचे केंद्रीय माहिती व तंत्रज्ञानमंत्री अश्विनी वैष्णव यांनी पत्रकारांशी बोलताना स्पष्ट केले. या संदर्भात केंद्र सरकारच्या वतीने सर्वोच्च न्यायालयात प्रतिज्ञापत्र सादर करण्यात आले आहे.

या बातमीसह सर्व प्रीमियम कंटेंट वाचण्यासाठी साइन-इन करा

अर्थमंत्री निर्मला सीतारामन यांनी बुधवारी अर्थसंकल्पीय भाषणात, राष्ट्रीय माहिती-विदा शासन धोरण निश्चित केले जाणार असल्याचे जाहीर केले होते. या धोरणामुळे ऑनलाइनवरील बिगरवैयक्तिक माहिती-विदा वाहनाचे नियमन केले जाईल. मात्र, या धोरणाचे विधेयक संसदेत मांडण्यापूर्वी व्यक्तीच्या मूलभूत हक्काशी निगडित असलेले अत्यंत महत्त्वाचे वैयक्तिक माहिती-विदा विधेयक संसदेत चर्चेसाठी आणावे लागेल. त्यानंतर बिगरवैयक्तिक माहिती-विदा नियमनाच्या धोरणावर चर्चा केली जाईल, असे वैष्णव यांनी स्पष्ट केले. नव्या विधेयकाच्या मसुद्यावर तंत्रज्ञान उदयोगातील कंपन्यांची शिखर संस्था, ‘नॅसकॉम’नेही केंद्राकडे म्हणणे मांडले आहे.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Data protection bill to be introduced in parliament in budget session zws
First published on: 03-02-2023 at 04:20 IST