तुम्ही मधुचंद्रासाठी नयनरम्य ठिकाणी गेला आहात आणि त्या ठिकाणी तुमच्याबरोबर अघटीत घडले तर…? होय, एका डच व्यक्तिसोबत असंच काहीस घडलं, जेव्हा तो चार हजार फूट उंचीवर पोहोचला होता. सूत्रांकडून मिळालेल्या माहितीनुसार, या व्यक्तिची बायको त्याचे छायाचित्र काढत असताना तो चार हजार फूटावरून खाली पडला. चमत्कार पाहा, एवढ्या उंचीवरून पडूनदेखील या व्यक्तिच्या केसालाही धक्का लागला नाही. ‘देव तारी त्याला कोण मारी!’ ब्रिटीश वृत्तपत्र ‘डेली मेल’मधील वृत्तानुसार या घटनेची माहिती मिळताच मदतकर्त्यांनी घटनास्थळी धाव घेऊन या व्यक्तिला सुखरूप वर काढले. एवढ्या उंचीवरून पडून जिवंत राहाणारा तो पहिला माणूस ठरला आहे. सुरुवातीला चाळीस सैनिकांचा सहभाग असलेल्या या मदतकार्यात नंतर सेनेचे हेलिकॉप्टरदेखील बोलवावे लागले. सैनिकांनी दोराच्या साह्याने या व्यक्तिला सुखरूप वर काढले.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Dutch person went for honeymoon falls off 4000ft and survives