पीटीआय, नवी दिल्ली : १ एप्रिलपासून ठराविक अल्पबचत योजनांवर बचतदारांना ०.१० ते ०.७० टक्के अधिक व्याज मिळवता येणार आहे. सरकारने ३० जून २०२३ या तिमाहीसाठी निर्धारीत केलेल्या व्याजदरांनुसार, ज्येष्ठ नागरिक बचत योजनेवरील व्याजदर आठ टक्क्यांवरून ८.२ टक्के, तर राष्ट्रीय बचत प्रमाणपत्रावरील व्याजदर सात टक्क्यांवरून ७.७ टक्के करण्यात आला. मात्र, लोकप्रिय सार्वजनिक भविष्यनिर्वाह निधीवरील (पीपीएफ) व्याजदरात केंद्रीय अर्थ मंत्रालयाने कोणताही बदल केलेला नाही. 

या बातमीसह सर्व प्रीमियम कंटेंट वाचण्यासाठी साइन-इन करा

शनिवारपासून (१ एप्रिल) लागू होणाऱ्या सुधारित दरांनुसार, राष्ट्रीय बचत प्रमाणपत्रावर (एनएससी) व्याजदरात सर्वाधिक वाढ करण्यात आली आहे. त्यावर आता ७ टक्क्यांऐवजी ७.७० टक्के व्याज मिळणार आहे. मुलींसाठी असलेल्या सुकन्या समृद्धी योजनेतील गुंतवणुकीवर ८ टक्के व्याज मिळणार आहे. याआधीच्या तिमाहीत त्यावर ७.६ टक्के व्याज देय होते. ज्येष्ठ नागरिक बचत योजना आणि किसान विकास पत्र यावरील व्याजदर अनुक्रमे ८.२ टक्के (८ टक्क्यांवरून) आणि ७.५ टक्के (७.२ टक्क्यांवरून) असेल.

मराठीतील सर्व देश-विदेश बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Increase in interest rate of small savings schemes interest rate on ppf ysh
First published on: 01-04-2023 at 00:02 IST