भारतीय सैन्याने घुसखोरीचा प्रयत्न उधळून लावल्यानंतर पाकिस्तानी सैन्याने प्रत्यक्ष नियंत्रण रेषेजवळ गोळीबार करत शस्त्रसंधीचे उल्लंघन केले. शस्त्रसंधी उल्लंघन करण्याची पाकिस्तानची जून महिन्यातील ही तिसरी वेळ आहे.
पाकव्याप्त काश्मीरमधून चौघे जण पुंछमधील कृष्णा घाटी विभागातून भारताच्या हद्दीत प्रवेश करण्याच्या प्रयत्नात होते. त्यावेळी भारतीय सैन्याने गोळीबार करून घुसखोरी करणाऱ्यांना पिटाळून लावले. त्यानंतर पाकिस्तानी सैन्याकडून पुंछ विभागातील तीन चौक्यांवर गोळीबार करण्यात आला. त्याला भारतीय सैन्याने चोख प्रत्युत्तर दिले. यात भारताच्या बाजूने कुणीही जखमी झालेले नाही.