process of army withdrawal in eastern ladakh air chief marshal vivek ram chaudhari zws 70 | Loksatta

थिएटर कमांडसाठी हवाई दलाच्या सैद्धांतिक पैलूंशी तडजोड नको ; हवाई दल प्रमुख चौधरी यांची स्पष्टोक्ती

पूर्व लडाखमधील स्थितीबाबत ते म्हणाले, की काही ठिकाणी सैन्य माघारीची प्रक्रिया सुरू करण्यात आली आहे.

थिएटर कमांडसाठी हवाई दलाच्या सैद्धांतिक पैलूंशी तडजोड नको ; हवाई दल प्रमुख चौधरी यांची स्पष्टोक्ती
हवाई दल प्रमुख एअर चीफ मार्शल विवेक राम चौध

नवी दिल्ली : थिएटर कमांडच्या रचनेत हवाई दलाच्या सैद्धांतिक पैलूंशी कोणत्याही प्रकारे तडजोड करता कामा नये, असे मत हवाई दल प्रमुख एअर चीफ मार्शल विवेक राम चौधरी यांनी मंगळवारी व्यक्त केले. पूर्व लडाखमध्ये सर्व ठिकाणांवरून सैन्यमाघारीची प्रक्रिया पूर्ण झाल्यानंतरच जैसे थे स्थिती होईल, असेही त्यांनी स्पष्ट केले.

ते म्हणाले की, थिएटर कमांड होण्यासाठी भारतीय हवाई दलाचा कोणताही विरोध नाही. पण या कमांडच्या रचनेबाबत आमचे काही मत आहे. ही रचना करताना हवाई दलाच्या सैद्धांतिक पैलूंशी कोणतीही तडजोड करता कामा नये.  

पूर्व लडाखमधील स्थितीबाबत ते म्हणाले, की काही ठिकाणी सैन्य माघारीची प्रक्रिया सुरू करण्यात आली आहे. आधीसारखी स्थिती निर्माण होण्यासाठी प्रत्यक्ष नियंत्रण रेषेवर सर्वच ठिकाणांहून पूर्णपणे सैन्य माघारी घेतले गेले पाहिजे. अशा आदर्श स्थितीची आम्ही अपेक्षा करतो.

ते पुढे म्हणाले की, त्या भागात चिनी सैन्य आगळिक करो की न करो, तेथे पायाभूत सुविधा उभारणे, साधनसामग्रीची सज्जता, प्रशिक्षण आणि रणनीतीची आखणी ही कायम चालणारी प्रक्रिया आहे.

८ ऑक्टोबर हा हवाई दल दिन म्हणून साजरा केला जातो. त्या पार्श्वभूमीवर हवाई दलाच्या वार्षिक पत्रकार परिषदेत  चौधरी बोलत होते.  

प्रत्यक्ष नियंत्रण रेषेवर गोग्रा हॉट स्प्रिंग भागातीतल गस्त िबदू क्रमांक १५ वरून नुकतेच सैन्य माघारी घेण्यात आले आहे. तेथील स्थितीबाबत त्यांनी सांगितले की, चिनी सैन्याच्या हालचालींवर आम्ही लक्ष ठेवून आहोत.  प्रामुख्याने पूर्व लडाखमध्ये  पायाभूत सुविधा विकसित केल्या जात आहेत.

असेही त्यांनी स्पष्ट केले. त्या भागात चीनच्या हवाई कारवाया वाढल्याबाबत विचारणा केली असता, चौधरी म्हणाले की, चीनकडूनही तेथे हवाई सुरक्षेत सातत्याने वाढ केली जाते. तेथे भारताने रडार आणि एसएजीडब्लू यंत्रणा वाढवून त्याचा एकात्मिक हवाई कमांडशी मेळ साधला आहे.

मराठीतील सर्व देश-विदेश ( Desh-videsh ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
जम्मूत कारागृह महासंचालकांची हत्या ; घरातील नोकरास अटक

संबंधित बातम्या

आफताबचा मास्टरप्लॅन, श्रद्धाचे ३५ तुकडे केल्यानंतर १०० तास पाहिला हॉलिवूड अभिनेत्याचा ‘तो’ प्रसिद्ध खटला
विवेक अग्निहोत्रीने मागितली विनाअट माफी, मात्र, दिल्ली उच्च न्यायालय म्हणाले, “एवढं पुरेसं नाही, तर…”
हम साथ साथ है! शस्त्रक्रिया होताना लालू प्रसादांच्या पाठीशी संपूर्ण कुटुंब, मुलीने केली किडनी दान
शिवसेनेतील बंडखोरीच्या सर्व याचिकांवर सुनावणी होणार, तारीख सांगत सरन्यायाधीश म्हणाले, “घटनापीठात…”
उद्धव ठाकरे आणि प्रकाश आंबेडकरांच्या युतीवर रामदास आठवलेंची प्रतिक्रिया; म्हणाले, “सगळी भीमशक्ती माझ्याबरोबर असल्याने…”

व्हिडिओ

ताज्या बातम्या
खडकवासला ते फुरसुंगीपर्यंतच्या भूमिगत बोगद्याचा अहवाल जलसंपदाकडे विभागाकडे सुपूर्द
Maharashtra Karnataka Dispute : शरद पवारांच्या ४८ तासांच्या अल्टिमेटमवर देवेंद्र फडणवीसांची प्रतिक्रिया, म्हणाले…
सहायक कक्ष अधिकारी पदाच्या परीक्षेचा अंतिम निकाल जाहीर; विशाल चौधरी, शीतल फाळके राज्यात प्रथम
युरिक ॲसिडची पातळी झपाट्याने कमी होईल; फक्त ‘या’ ४ पदार्थांचा आहारात समावेश करा
लग्नानंतर हंसिका मोटवानी पतीसह मुंबईत दाखल; हनिमूनच्या प्रश्नावर लाजत म्हणाली….