कोटय़वधींच्या शारदा चिटफंड घोटाळाप्रकरणी आसामी गायक सदानंद गोगोई याला केंद्रीय गुन्हा अन्वेषण विभागाच्या (सीबीआय) अधिकाऱ्यांनी शुक्रवारी अटक केली.
निधीचा गैरव्यवहार आणि अपहाराच्या आरोपाखाली गोगोई याला अटक करण्यात आल्याचे अधिकाऱ्यांनी सांगितले. गोगोई याला जबाब घेण्यासाठी दिवसभरात चार वेळा पाचारण करण्यात आले होते. त्यानंतर त्याला अटक केली असून त्याला शनिवारी न्यायालयासमोर हजर करण्यात येणार असल्याची माहिती अधिकाऱ्यांनी दिली.