फॉर्म्युला वन कार रेसिंगचा स्टार आणि सात वेळा जगज्जेता ठरलेला मायकल शूमाकर स्कीइंग खेळादरम्यान झालेल्या अपघातात जखमी झाला आहे. त्याच्या डोक्याला गंभीर दुखापत झाली असून त्याच्यावर रुग्णालयामध्ये उपचार सुरू आहेत. शुमाकरच्या मेंदूला जबर मार लागल्याने तो कोमात गेला असल्याचे सांगण्यात येत आहे. मायकल शुमाकर हा सातवेळा ‘फॉर्म्युला वन’ चा चॅम्पियन राहिलेला आहे.
फ्रान्सच्या आल्प्स पर्वतरांगामध्ये स्कीइंग करताना शूमाकरला जबरदस्त अपघात झाला. या अपघातात शूमाकरचे डोके एका खडकावर आदळल्याची माहिती आहे. त्याच्यावर तात्काळ न्यूरोसर्जिकल ऑपरेशन करण्यात येत असल्याचे दक्षिणेतील फ्रेन्च सिटी हॉस्पिटलकडून सांगण्यात आले आहे.

आर्काइव्हमधील सर्व बातम्या मोफत वाचण्यासाठी कृपया रजिस्टर करा
मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Former f1 driver michael schumacher in critical condition