पॅरा आशियाई खेळांमध्ये हरविंदर सिंहला तिरंदाजीत सुवर्णपदक

जकार्ता येथे सुरु असलेल्या पॅरा आशियाई खेळांमध्ये भारताचा तिरंदाज हरविंदर सिंहने सुवर्णपदकाची कमाई केली आहे. याव्यतिरीक्त मोनु घांगसने थाळीफेकमध्ये रौप्य तर मोहम्मद यासिरने गोळाफेकीमध्ये कांस्यपदकाची कमाई केली. हरविंदर सिंहने अंतिम फेरीत चीनच्या झाओ लिक्स्युचा ६-० ने पराभव करत सुवर्णपदकावर आपलं नाव कोरलं. भारताचं या स्पर्धेतलं हे सातवं सुवर्णपदक ठरलं.