रोहित शर्माने विंडीजविरुद्ध पहिल्या दोन सामन्यांमधली खराब कामगिरीला मागे टाकत दमदार पुनरागमन केलं आहे. वानखेडे मैदानावरील अखेरच्या टी-२० सामन्यात रोहित शर्माने आंतरराष्ट्रीय क्रिकेटमध्ये ४०० षटकारांचा टप्पा ओलांडला. या विक्रमी कामगिरीदरम्यान रोहितने ख्रिस गेल आणि शाहिद आफ्रिदी या दिग्गज खेळाडूंच्या पंगतीत स्थान मिळवलं आहे. ख्रिस गेलच्या नावावर सध्या ५३४ तर शाहिद आफ्रिदीच्या नावावर ४७६ षटकार जमा आहेत.

आर्काइव्हमधील सर्व बातम्या मोफत वाचण्यासाठी कृपया रजिस्टर करा

मात्र सर्वात कमी डावांमध्ये ४०० षटकारांचा टप्पा गाठणाऱ्या फलंदाजांच्या यादीत रोहित शर्माने शाहिद आफ्रिदीला मागे टाकलं आहे. रोहितने आपल्या ३६० व्या डावात ही कामगिरी केली आहे, तर शाहिद आफ्रिदीला या कामगिरीसाठी ४३७ डाव लागले होते.

लोकेश राहुल आणि रोहित शर्मा या जोडीने विंडीजच्या गोलंदाजांवर हल्लाबोल करत ८ षटकांच्या आतच भारताला १०० धावांचा टप्पा ओलांडून दिला.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ind vs wi 3rd t20i rohit sharma slams west indies bowlers gets pass shahid afridi in elite list psd