IND vs SA 3rd T20 Highlights: भारताने दक्षिण आफ्रिकेचा केला १०६ धावांनी पराभव, मालिका १-१ अशी बरोबरीत राखली, कुलदीपने घेतल्या पाच विकेट्स

दक्षिण आफ्रिका संघाने जोहान्सबर्गमध्ये २४ टी-२० आंतरराष्ट्रीय सामने खेळले आहेत, त्यापैकी १४ जिंकले आहेत आणि १० गमावले आहेत. एकूण टी-२० मध्ये भारत आणि दक्षिण आफ्रिका संघ २५ वेळा आमनेसामने आले आहेत, ज्यामध्ये भारताने १३ आणि दक्षिण आफ्रिकेने ११ सामने जिंकले आहेत. एक सामना अनिर्णित राहिला. न्यू वाँडरर्स स्टेडियमवर आतापर्यंत ३२ सामने खेळले गेले आहेत, ज्यामध्ये यजमान दक्षिण आफ्रिकेने १४ जिंकले आहेत आणि पाहुण्या संघाने १० जिंकले आहेत. ८ सामन्यांत निकाल लागला नाही. भारताने जोहान्सबर्ग येथे दक्षिण आफ्रिकेविरुद्ध ३ टी-२० सामने खेळले असून त्यात २ जिंकले आहेत.

भारत आणि दक्षिण आफ्रिका यांच्यातील तिसरा टी-२० सामना जोहान्सबर्ग येथील न्यू वाँडरर्स मैदानावर खेळवला जाईल. वाँडरर्सच्या मैदानावर फलंदाजांचे वर्चस्व असते. या मैदानावर भरपूर चौकार आणि षटकार मारले जातात आणि चांगल्या उसळीमुळे चेंडू सहजपणे बॅटवर येतो. मात्र, सुरुवातीला खेळपट्टीत ओलावा असल्याने वेगवान गोलंदाजांना मदत मिळते.

भारत विरुद्ध दक्षिण आफ्रिका तिसरी टी-२० हवामान अंदाज

हवामान वेबसाइट Accuweather नुसार, जोहान्सबर्गमध्ये सामन्याच्या दिवशी म्हणजेच १४ डिसेंबर रोजी सकाळी पावसाचा कोणताही अंदाज नाही मात्र, दुपारी आणि संध्याकाळी ३५ टक्के पावसाचा अंदाज वर्तवण्यात आला आहे. तापमान २६ ते २० अंश सेल्सिअसच्या दरम्यान राहण्याची शक्यता आहे. पूर्ण २० षटकांचा खेळ पाहिला मिळेल का, हे पाहणे उत्सुकतेचे ठरणार आहे.