मिचेल जॉन्सनला दुखापत; टी-२० विश्वचषकाला मुकण्याची शक्यता

ऑस्ट्रेलियाचा वेगवान गोलंदाज मिचेल जॉन्सनला दुखापत झाल्यामुळे आगामी टी-२० विश्वचषकाला मुकावे लागण्याची शक्यता आहे.
मिचेल जॉन्सनच्या उजव्या पायाच्या टाचेला दुखापत झाली आहे. त्यामुळे त्याच्या टी-२० विश्वचषकात खेळण्याबाबत संभ्रम निर्माण झाला आहे. ऑस्ट्रेलियाच्या क्रिकेट मंडळाने दिलेल्या माहितीनुसार, जॉन्सनला संघात समाविष्ट करुन घेण्याबाबतचा निर्णय लवकरच घेण्यात येणार आहे. येत्या रविवारी ऑस्ट्रेलिया संघ टी-२० विश्वचषकासाठी बांगलादेशकडे रवाना होणार आहे.
मिचेल जॉन्सनने आपल्या वेगवान गोलंदाजीने दक्षिण आफ्रिकेविरुद्धच्या अॅशेस मालिकेत महत्वाची कामगिरी निभावली होती. त्यामुळे संघाच्या वेगवान गोलंदाजीची धुरा सांभाळणाऱया जॉन्सनची अनुपस्थिती ऑस्ट्रेलियाला टी-२० विश्वचषकात महागात पडण्याची दाट शक्यताही आहे.