PAK vs BAN Live Score, Asia Cup 2025: बांगलादेशचा निम्मा संघ तंबूत, पाकिस्तानची सामन्यावर पकड अधिक घट्ट; कोण गाठणार फायनल?

सईम अयुबने पाकिस्तानला पाचवी विकेट मिळवून दिली आहे. १२व्या षटकातील चौथ्या चेंडूवर नुरूल हसन मोठा फटका खेळायला गेला आणि सीमारेषेजवळ झेलबाद झाला. यासह पाकिस्तानची सामन्यावरील पकड अजून घट्ट झाली आहे. यासह ४८ चेंडूत ७२ धावांची बांगलादेशला गरज आहे.

मोहम्मद नवाजने पाकिस्तानला चौथी विकेट मिळवून दिली आहे. पाकिस्तानने पॉवरप्लेनंतर फिरकी गोलंदाजांना गोलंदाजीची जबाबदारी दिली. त्यानंतर नवाजने संघाला विकेट मिळवून दिली आहे. यासह १० षटकांनंतर बागंलादेशचा संघ ४ बाद ५८ धावांवर खेळत आहे.

बांगलादेशने पॉवरप्लेमध्ये ३ बाद ३६ धावा केल्या आहेत. यासह बांगलादेशला विजयासाठी ८५ चेंडूत अजूनही १०० धावांचं लक्ष्य गाठायचं आहे. पॉवरप्लेमध्ये ३ मोठ्या विकेट घेत पाकिस्तानने सामन्यात पुनरागमन केलं आहे.

बांगलादेशचा महत्त्वाचा फलंदाज सैफ हसन हारिस रौफच्या गोलंदाजीवर झेलबाद झाला. सैफने गेल्या सामन्यांमध्ये सलग दोन अर्धशतकं केली होती. यासह बांगलादेशने ५ षटकांत ३ विकेट्स गमावले आहेत. सैफच्या विकेटसह पाकिस्तानने सामन्यात पुनरागमन केलं आहे.

शाहीन आफ्रिदीच्या पाचव्या षटकात बांगलादेशचे फलंदाज सैफ आणि तौहिद एकाचवेळी स्ट्राईक एन्डला पोहोचले, पण तरीही पाकिस्तानचे खेळाडू धावबाद करू शकले नाहीत. विचित्र धावबादनंतर वाचल्यानंतर तौहिद पुढच्या चेंडूवर मोठा फटका खेळण्याच्या प्रयत्नात झेलबाद झाला.

बांगलादेशला पहिल्याच षटकात मोठा धक्का बसला आहे. संघाचा सलामीवीर इमॉन मोठा फटका खेळण्याच्या प्रयत्नात सीमारेषेजवळ झेलबाद झाला. मोहम्मद नवाजने धावत येत कमालीचा झेल टिपला. यासह पहिल्याच षटकात बांगलादेशचा संघ १ धावा करू शकला.

पाकिस्तानने अखेरच्या ३० चेंडूत ५२ धावा करत अखेरपर्यंत चांगली धावसंख्या उभारली. पाकिस्तानने प्रथम फलंदाजी करताना ८ विकेट्स गमावत १३४ धावा केल्या. पाकिस्तानची सुरूवात फारशी चांगली झाली नाही, पण अखेरच्या काही षटकांत नवाज-हारिसने चांगली फलंदाजी केली. यासह पाकिस्तानने बांगलादेशला अंतिम सामन्याचं तिकिट मिळवण्यासाठी १३५ धावांचं आव्हान दिलं आहे.

मेहदी हसनच्या १८व्या षटकात सरळ फटका खेळताना मोहम्मद हारिस झेलबाद झाला. ज्याने ३१ धावांची महत्त्वपूर्ण खेळी केली होती. तर पुढच्याच षटकात तस्किनने मोहम्मद नवाजला झेलबाद केलं. परवेज हुसैन इमॉनने एक कमालीचा झेल टिपत महत्त्वाचा झेल टिपला. यासह पाकिस्तानने १९ षटकांत ८ विकेट्स गमावत १२४ धावा केल्या आहेत.

पाकिस्तानने ८० धावांच्या आत सहावी विकेट गमावली आहे. तस्किन अहमदच्या गोलंदाजीवर मोठा फटका खेळण्याच्या प्रयत्नात शाहीन आफ्रिदी झेलबाद झाला. आफ्रिदीने १३ चेंडूत २ षटकारांसह १९ धावा केल्या. यासह पाकिस्तानने १५ षटकांत ६ विकेट्स गमावत ८३ धावा केल्या.

मुस्तफिजूर रहमानच्या ११ व्या षटकात कर्णधार सलमान अली आघा २३ चेंडूत १९ धावा करत झेलबाद झाला. चेंडू आतल्या बाजूने बॅटची कड घेत यष्टीरक्षकाच्या हातात गेला, पण मैदानावरील पंचांनी झेलबाद न दिल्याने रिव्ह्यू घेण्यात आला आणि तिसऱ्या पंचांनी त्याला बाद दिलं. यासह पाकिस्तानने ११ षटकांत ५ विकेट्स गमावत फक्त ५१ धावा केल्या आहेत.

रिशाद हुसैनच्या गोलंदाजीवर सातव्या षटकात फखर जमान मोठा फटका खेळण्याच्या प्रयत्नात झेलबाद झाला. तर नवव्या षटकात हुसैन तलातदेखील रिशादच्या गोलंदाजीवर झेलबाद झाला. सैफ हसन एक उत्कृष्ट झेल टिपत संघाला चौथी विकेट मिळवून दिली. यासह पाकिस्तानने ९ षटकांत ४ विकेट्स गमावत फक्त ३७ धावा केल्या आहेत.

पाकिस्तानचा सईम अयुब आशिया चषकात चौथ्यांदा शून्यावर बाद झाला आहे. मेहदी हसनने दुसऱ्या षटकात सईम अयुबला झेलबाद करवत संघाला दुसरी विकेट मिळवून दिली. यासह पाकिस्तानने दोन षटकांत २ बाद ५ धावा केल्या आहेत.

तस्किन अहमदने पहिल्या षटकातील चौथ्या चेंडूवर संघाला पहिली विकेट मिळवून दिली आहे. पाकिस्तानचा सलामीवीर फरहानने तिसऱ्या चेंडूवर चौकार खेचला आणि पुढच्या चेंडूवर त्याने सोपा झेल यष्टीरक्षकाच्या हातात देत विकेट गमावली.

पाकिस्तान आणि बांगलादेश यांच्यातील महत्त्वाच्या सामन्याला सुरूवात झाली आहे. पाकिस्तानकडून फरहान आणि फखरची जोडी मैदानावर उतरली आहे. तर बांगलादेशकडून तस्किन अहमद गोलंदाजी करत आहे.

सैफ हसन, परवेझ हुसेन इमॉन, तौहीद ह्रदोय, शमीम हुसैन, जाकेर अली(कर्णधार/यष्टीरक्षक), नुरुल हसन, महेदी हसन, रिशाद हुसेन, तस्किन अहमद, तन्झिम हसन साकिब, मुस्तफिजुर रहमान

साहिबजादा फरहान, फखर जमान, सईम अयुब, सलमान आघा (कर्णधार), हुसैन तलत, मोहम्मद हारिस (यष्टीरक्षक), मोहम्मद नवाज, फहीम अश्रफ, शाहीन आफ्रिदी, हारिस रौफ, अबरार अहमद

पाकिस्तान विरूद्ध सामन्याची नाणेफेक बांगलादेशने जिंकली आहे आणि प्रथम गोलंदाजी करण्याचा निर्णय घेतला आहे. तर पाकिस्तानचा संघ फलंदाजीने सामन्याला सुरूवात करणार आहे. बांगलादेशचा कर्णधार लिटन दास दुखापतीमुळे खेळणार नाहीये. जाकेर अली संघाचा कर्णधार असेल. पाकिस्तानच्या प्लेईंग इलेव्हनमध्ये कोणताच बदल करण्यात आलेला नाही. तर बांगलादेशच्या प्लेईंग इलेव्हनमध्ये ३ मोठे बदल करण्यात आले आहेत.

बांगलादेश आणि पाकिस्तान यांच्यातील हा सामना आशिया चषक २०२५ चा उपांत्य सामना मानला जात आहे, कारण जो संघ हा सामना जिंकेल तो थेट अंतिम फेरीत आपले स्थान निश्चित करेल. त्यामुळे, दोन्ही संघांवर दबाव समान असेल.

पाकिस्तान आणि बांगलादेशने आतापर्यंत २५ टी-२० आंतरराष्ट्रीय सामने खेळले आहेत. यापैकी २० सामने पाकिस्तानने जिंकले आहेत, तर पाच सामने बांगलादेशने जिंकले आहेत. पाकिस्तान आणि बांगलादेशमधील अखेरचा सामना २४ जुलै २०२५ रोजी खेळला गेला होता. तो सामनाही पाकिस्तानने जिंकला.

पाकिस्तान बांगलादेश यांच्यातील सामना दुबई इंटरनॅशनल स्टेडियमवर होणार आहे. या मैदानावर फिरकी गोलंदाजांना मदत मिळण्याची अपेक्षा आहे. सुरुवातीला वेगवान गोलंदाजांना फायदा होईल. फलंदाजांना स्ट्राईक रोटेट करावा लागेल आणि मधल्या षटकांमध्ये फिरकी गोलंदाजांचा प्रभावीपणे सामना करावा लागेल. सामन्यादरम्यान प्रचंड उष्णता असण्याची शक्यता आहे.

साहिबजादा फरहान, फखर जमान, सईम अयुब, सलमान आगा (कर्णधार), हुसैन तलत, मोहम्मद हारिस (यष्टीरक्षक), मोहम्मद नवाज, फहीम अश्रफ, शाहीन आफ्रिदी, हारिस रौफ, अबरार अहमद, हसन अली, मोहम्मद वसीम जूनियर, सलमान मिर्झा, सुफियान मुकीम, खुशदिल शाह, हसन नवाज.

लिटन दास (कर्णधार), सैफ हसन, तन्झिद हसन तमीम, परवेझ हुसेन इमॉन, तौहीद ह्रदोय, शमीम हुसैन, जाकेर अली (कप्तान/कर्णधार), मोहम्मद सैफुद्दीन, रिशाद हुसैन, तन्झिम हसन साकिब, नसुम अहमद, मुस्तफिजुर रहमान, महेदी हसन, तस्सीन हसन, तस्कीन, तस्कीन, महेदी हसन.

PCB Filed Complaint Against Suryakumar yadav: आशिया चषक २०२५ मध्ये पीसीबीने भारताचा कर्णधार सूर्यकुमार यादवविरोधात आयसीसीकडे तक्रार केली आहे. …सविस्तर वाचा

बांगलादेशचा कर्णधार लिटन दास याला सरावादरम्यान दुखापत झाल्याने तो २४ सप्टेंबरला झालेला भारताविरूद्ध झालेल्या सामन्यात खेळू शकला नव्हता. पण अंतिम सामन्याच्या दृष्टीने या महत्त्वाच्या लढतीत तो खेळणार की नाही, यावर सर्वांच्या नजरा असतील. लिटन दासच्या अनुपस्थितीत जाकेर अली संघाचा कर्णधार होता.

Asia Cup 2025 Final Equation: भारतीय संघाने बांगलादेशवर विजय मिळवत आशिया चषकाच्या अंतिम फेरीत धडक मारली आहे. आता बांगलादेश आणि पाकिस्तान या दोन्ही संघांना अंतिम फेरीत पोहोचण्यासाठी काय करावं लागेल जाणून घ्या. …वाचा सविस्तर

आशिया चषक २०२५ च्या अंतिम सामन्यात भारतीय संघाने धडक मारली आहे. त्यामुळे आता या अंतिम सामन्यात भारताचा प्रतिस्पर्धी संघ कोण असणार, हे आज ठरणार आहे. पाकिस्तान आणि बांगलादेश यांच्यात जणू सेमीफायनलचा सामना आज होणार असून यातील विजेता संघ थेट फायनलमध्ये प्रवेश मिळवेल.