मानवजीत संधू क्रमवारीत तिसऱ्या स्थानी

वरिष्ठ नेमबाज मानवजीत सिंग संधूने जागतिक नेमबाजी क्रमवारीत तिसऱ्या स्थानी झेप घेतली आहे. गेल्या महिन्यात टुस्कॉन, अमेरिका येथे झालेल्या नेमबाजी विश्वचषकात ट्रॅप प्रकारात खेळताना सुवर्णपदकावर कब्जा केला होता. विश्वचषकाआधी मानवजीत १६व्या स्थानी होता. सुवर्णपदकासह मानवजीतने क्रमवारीत दमदार आगेकूच केली आहे. ३७ वर्षीय मानवजीतच्या नावावर १२२८ क्रमवारी गुण आहेत. रशियाचा अ‍ॅलेक्सी अलिपोव्ह अव्वल तर इटलीचा जिओव्हानी पेलीइलो दुसऱ्या स्थानी आहे. मानवजीतने दोन वेळा ऑलिम्पिक सुवर्णपदक विजेत्या मायकेल डायमंडला नमवत सुवर्णपदकाची कमाई केली होती.