सिंगापूर खुली बॅडमिंटन स्पर्धा : सिंधू, प्रणॉयवर भारताची मदार

सिंगापूर : सिंगापूर खुल्या बॅडमिंटन स्पर्धेला (सुपर ५०० दर्जा) मंगळवारपासून प्रारंभ होणार असून दोन ऑलिम्पिक पदकविजेती पीव्ही सिंधू आणि एचएस प्रणॉय यांच्यावर पुन्हा भारताची मदार असेल. या स्पर्धेच्या महिला एकेरी गटात सिंधूला तिसरे मानांकन मिळाले आहे. पुरुषांमध्ये अनुभवी किदम्बी श्रीकांतला सातवे मानांकन लाभले असून प्रणॉय बिगरमानांकित खेळाडू म्हणून खेळेल.