जोश्ना अजिंक्य

अमेरिकेतील रिचमंड खुल्या स्क्वॉश स्पर्धेत भारताच्या जोश्ना चिनप्पाने जेतेपदावर नाव कोरले. ऑस्ट्रेलियाच्या माजी विजेत्या आणि अव्वल मानांकित रचेल ग्रिनहमवर विजय मिळवत तिने जेतेपदाची कमाई केली. जोश्नाने ग्रिनहमवर ११-९, ११-५, ११-८ अशी सरळ गेम्समध्ये मात केली. ग्रिनहमविरुद्ध सहा सामन्यांमधील जोश्नाचा हा पहिला विजय ठरला. कारकिर्दीतील जोश्नाचे हे नववे जेतेपद ठरले.