तुम्हीही बाजारातील भेसळयुक्त गूळ खात नाही ना? ‘या’ टिप्सच्या मदतीने ओळखा बनावट गूळ

Jaggery Purity: हल्ली प्रत्येक पदार्थांमध्ये सर्रास भेसळ केली जाते, ज्यामुळे अनेक आजार उद्भवू लागले आहेत. ही भेसळ अगदी तांदूळ, मीठ, तेल, डाळ, गूळ यांसारख्या दैनंदिन जीवनात वापरणाऱ्या अनेक गोष्टींमध्ये आढळते. हेल्दी डाएट फॉलो करणारे अनेक जण साखरेऐवजी पर्याय म्हणून गूळ वापरतात, परंतु जेव्हा गुळातही भेसळ असते त्यावेळी काय करायचं? काही टिप्सच्या मदतीने तुम्ही गूळ भेसळसयुक्त आहे की नाही हे ओळखा.

रंग पाहून ओळखा

तुम्ही खरा आणि नकली गुळाचा रंग पाहूनही ओळखू शकता. खरा गूळ हलका काळपट असतो, तर नकली गुळाचा रंग खूप चमकदार किंवा गडद पिवळा असतो. जर गूळ चमकदार दिसत असेल तर तो भेसळयुक्त असू शकतो. फक्त रासायनिक गूळ जास्त चमकदार असतो.

चाखून तपासा

खऱ्या गुळाची चव थोडी गोड असते आणि त्याला मातीचा सुगंध असतो. दुसरीकडे, बनावट गुळाची चव खूप गोड असते. ते खाल्ल्याने कधीकधी जाणवते.

पाण्याने चाचणी करा

तुम्ही पाण्याद्वारेही खरा गूळ तपासू शकता. यासाठी सर्वप्रथम पाण्यात थोडा गूळ घाला. जर गूळ खरा असेल तर तो हळूहळू स्थिर होईल आणि पाणी स्वच्छ राहील. दुसरीकडे, बनावट गूळ पाण्यात रंग सोडू शकतो.

हाताने फोडून तपासा

तुम्ही खरा गूळ हाताने फोडूनही ओळखू शकता. खरा गूळ फोडणे सोपे आहे, तर बनावट गूळ खूप कडक असतो. तो फोडण्यासाठी खूप वेळही लागतो. शिवाय हा हाताला चिकटून राहतो.