वाई: जागतिक वारसा स्थळ असलेल्या कास पठराला घातलेले भलेमोठे कुंपण काढण्यास सुरुवात केली आहे. या कुंपणामुळे निसर्गसाखळीत अडथळा ठरत असून त्यामुळे गेल्या काही वर्षांपासून पठरावरील फुलांचा बहर कमी झाल्याची टीका निसर्गप्रेमींकडून होत होती. अखेर जिल्हाधिकारी रुचेश जयवंशी आणि उपवनसंरक्षक महादेव मोहिते यांनी याबाबतचे आदेश दिल्यावर आज हे जाळीचे कुंपण काढण्यास सुरुवात झाली आहे. यामुळे कास पठारावरील वन्य जीवांसह पाळीव प्राण्यांचा वावर, चराई ही विनाअडथळा होणार आहे.

या बातमीसह सर्व प्रीमियम कंटेंट वाचण्यासाठी साइन-इन करा

सातारा जिल्ह्यातील कास पठार हे पावसाळय़ात उमलणाऱ्या रानफुलांसाठी प्रसिद्ध आहे. या पठाराला जागतिक वारसा स्थळाचा दर्जा देण्यात आला. पठाराच्या संरक्षणाच्या हेतूने या संपूर्ण भागास काही वर्षांपूर्वी एक भले मोठे कुंपण घालण्यात आले. परंतु हे कुंपण घातल्यावर या भागातून होणारी अन्य वन्य प्राण्यांची हालचाल, पाळीव प्राण्यांची चराई बंद झाली. यातून अन्य वनस्पतींची वाढ झाल्यामुळे पठाराचे वैशिष्टय़ असलेल्या रानफुलांचा बहर कमी झाला आहे. हे कुंपण निसर्गसाखळीत अडथळा ठरत असून त्यामुळे गेल्या काही वर्षांपासून पठारावरील फुलांचा बहर कमी झाल्याची टीका निसर्गप्रेमींकडून होत होती.

मराठीतील सर्व महाराष्ट्र बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Mesh fence at kaas plateau started to remove after collector order zws
First published on: 02-12-2022 at 05:29 IST