राज्यस्तरीय मैदानी स्पर्धेत ‘आरवायके’च्या खेळाडूंचा समावेश

जालना येथे २० ते २३ नोव्हेंबर या कालावधीत होणाऱ्या राज्यस्तरीय शालेय मैदानी स्पर्धेसाठी येथील आरवायके कनिष्ठ महाविद्यालयातील खेळाडू सहभागी होणार आहेत. जिल्हा क्रीडा अधिकारी कार्यालयाच्या वतीने आयोजित विभागीय स्पर्धेतील १९ वर्षांखालील १०० व २०० मीटर धावण्याच्या स्पर्धेत मधुरा कुलकर्णी हिने वैयक्तिक प्रकारात प्रथम क्रमांक मिळविला. तिहेरी उडी व १०० मीटर हर्डल्स या क्रीडा प्रकारात निर्णिता न्याहाटकर हिने प्रथम क्रमांक मिळविला, तर ४ बाय १०० या सांघिक प्रकारात आरवायकेच्या संघाने प्रथम क्रमांक मिळविला. या स्पर्धेतील वैयक्तिक व सांघिक क्रीडा प्रकारात निवड झालेले खेळाडू राज्यस्तरीय स्पर्धेत सहभागी होणार आहेत.