‘भौकाल २’ ही एसएसपी नवीन सिखेरा या व्यक्तिरेखेवर आधारित कथानक असलेली वेबमालिका आहे.  सिखेरा यांचे अंतिम ध्येय हे गुन्हेगारांच्या टोळ्यांनी त्रस्त असलेल्या उत्तर प्रदेशमधील मुझफ्फरनगर नामक शहराला गुन्हेगारी आणि गुंडगिरीतून मुक्त करण्याचे आहे. एकूणच शहरात अराजकता आणि अशांतता पसरली असल्याने वस्तीतील लोकांना सुरक्षित ठेवण्याचेही काम सिखेरा यांना निभावायचे आहे. जेव्हा नवीन सिखेरा नवीन एसएसपी म्हणून मुझफ्फरनगरमध्ये येतात तेव्हा स्थानिक टोळ्यांच्या भीतीखाली जगणाऱ्या लोकांच्या निराशेकडे पाहून त्यांच्यासमोरील आव्हानांची जाणीव त्यांना देण्यात येते. अशी गंभीर स्थिती असताना पोलीस यंत्रणेतही सिखेरा सुधारणा आणण्याचा प्रयत्न करतात आणि शहराचा ताबा मिळविण्यासाठी आसुसलेल्या देढा नामक गुन्हेगारांच्या टोळीला अटक करण्यासाठी ते जिवाचं रान करतात. मुझफ्फरनगरचे चित्र सिखेरा पालटू शकतील का? आणि त्यांनी शहरात सुरू केलेले बदलाचे काम ते पूर्ण करू शकतील का? याचे थरारक चित्रण ‘भौकाल २’ मधून प्रेक्षकांना पाहायला मिळेल. ‘भौकाल २’ ही गुन्हेगारी विश्वातील कथा असून अभिनेता मोहित रैना हे या वेबमालिकेचं मुख्य आकर्षण ठरणार आहे. याचे दिग्दर्शन जतीन वागळे यांनी केले आहे. 

या बातमीसह सर्व प्रीमियम कंटेंट वाचण्यासाठी साइन-इन करा

कलाकार – मोहित रैना, बिदिती बाग, सिद्धार्थ कपूर, अभिमन्यू सिंग आणि उपेन चौहान, कधी – २० जानेवारीला प्रदर्शित, कुठे – एमएक्स प्लेअर

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Bhokal 2 ssp sikhera plot based on personality web series free from crime and bullying akp
First published on: 23-01-2022 at 00:05 IST