अभिनेत्री प्रियांका चोप्राने शुक्रवारी रात्री एक बातमी शेअर करून तिच्या चाहत्यांना मोठा आनंद दिला. तिने सांगितले की, तिने आणि तिचा पती निक जोनसने सरोगसीद्वारे मुलाला जन्म दिला आहे. प्रियंका आणि निकचे हे पहिलेच अपत्य आहे. २०१८ मध्ये त्यांचा विवाह झालेला आहे. आता प्रियांका आणि निकवर शुभेच्छांचा वर्षाव सुरू आहे. प्रियांकाने सोशल मीडियाद्वारे आपल्या चाहत्यांना ही आनंदाची बातमी दिली आहे. निकला टॅग करत इंस्टाग्रामवर एक नोट शेअर करताना प्रियांकाने लिहिले की, “आम्ही सरोगसीच्याद्वारे एका बाळाचे स्वागत केले आहे, हे सांगताना आम्हाला खूप आनंद होत आहे. हे क्षण आमच्यासाठी अतिशय खास आहेत आणि आम्हाला प्रायव्हसीची गरज आहे. कुटुंबासाठी वेळ द्यायचा आहे आहे. आमच्या भावनांचा आदर कराल अशी अपेक्षा आहे. खूप खूप धन्यवाद.'' निकनेही हीच पोस्ट त्याच्या सोशल मीडिया पेजवर शेअर केली आहे.
