ज्येष्ठ नाटय़-चित्रपट दिग्दर्शक कुमार सोहोनी आणि अभिनेते प्रशांत दामले यांना संगीत नाटक अकादमी पुरस्काराने सन्मानित करण्यात आले आहे. कुमार सोहोनी यांनी आजवर शंभरावर नाटके तसेच चित्रपट दिग्दर्शित केलेले आहेत. तर प्रशांत दामले यांनी चाळीस वर्षांच्या आपल्या प्रदीर्घ नाटय़कारकिर्दीत १२,५०० हून अधिक नाटय़प्रयोगांचा विक्रम नुकताच केला आहे.

या बातमीसह सर्व प्रीमियम कंटेंट वाचण्यासाठी साइन-इन करा

नॅशनल स्कूल ऑफ ड्रामाचे स्नातक असलेले कुमार सोहोनी यांनी ‘अग्निपंख’, ‘अथ मानुस जगन हं’, ‘कुणीतरी आहे तिथे’, ‘रातराणी’, ‘देहभान’, ‘वासूची सासू’, ‘सुखांशी भांडतो आम्ही’ अशी वेगवेगळय़ा पिंडप्रकृतीची ७० हून अधिक नाटके हौशी, प्रायोगिक व व्यावसायिक रंगभूमीवर दिग्दर्शित केलेली आहेत. तर ‘एक रात्र मंतरलेली’, वहिनीची माया’, ‘कमाल माझ्या बायकोची’ आदी १७ चित्रपट त्यांनी दिग्दर्शित केले आहेत. याव्यतिरिक्त टेलिफिल्म्स तसेच अनेक हिंदी-मराठी मालिकांचे दिग्दर्शनही त्यांनी केले आहे.

मराठीतील सर्व मनोरंजन बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Sangeet natak academi award to kumar sohoni and prashant damle ysh
First published on: 27-11-2022 at 00:02 IST