Shashank Shende unique role Artist hard work character ysh 95 | Loksatta

शशांक शेंडे अनोख्या भूमिकेत

‘पल्याड’ या आगामी मराठी चित्रपटात स्मशानजोग्याच्या भूमिकेत असणारे शशांक शेंडे एका वेगळय़ाच लुकमध्ये प्रेक्षकांसमोर येणार आहेत.

शशांक शेंडे अनोख्या भूमिकेत
शशांक शेंडे

काही कलाकार भूमिकेला योग्य न्याय देण्यासाठी कोणत्याही प्रकारची मेहनत घ्यायला तयार असतात. आपल्या वाटय़ाला आलेली व्यक्तिरेखा प्रामाणिकपणे आणि पूर्ण मेहनतीने साकारण्यात माहीर असणाऱ्या कलाकारांपैकी एक आहेत अभिनेते शशांक शेंडे. शशांक यांनी नेहमीच वेगवेगळय़ा प्रकारच्या भूमिका साकारल्या आहेत. आता ‘पल्याड’ या आगामी मराठी चित्रपटात स्मशानजोग्याच्या भूमिकेत असणारे शशांक शेंडे एका वेगळय़ाच लुकमध्ये प्रेक्षकांसमोर येणार आहेत.

‘पल्याड’ या चित्रपटात स्मशानजोगी समाजातल्या एका परिवाराची गोष्ट रंगवण्यात आली आहे. त्यामुळे शशांक यांचा लुक काहीसा फकिरासारखा आहे. वाढलेली दाढी-मिशी, भगवं वस्त्र, डोक्यावर फेटा, खांद्यावर उपरणं, कपाळासोबतच दोन्ही डोळय़ांच्या खालच्या बाजूस लावलेला अष्टगंध, गळय़ात विविध प्रकारच्या माळा, शंख, तावीज, हातामध्ये घुंगरू लावलेली काठी आणि घंटी असा आजवर साकारलेल्या व्यक्तिरेखांपेक्षा खूपच वेगळय़ा अशा लुकमध्ये ते पाहायला मिळणार आहेत. निर्माते पवन सादमवार, सुरज सादमवार, मंगेश दुपारे, प्रणोती पांचाळ आणि शैलेश भीमराव दुपारे यांनी ‘पल्याड’ची निर्मिती केली आहे तर दिग्दर्शन शैलेश भीमराव दुपारे यांचं आहे.

‘या भूमिकेसाठी एका वेगळय़ाच ऊर्जेची गरज होती. लुकच्या जोडीने बोलीभाषा, देहबोली आणि प्रचंड आत्मविश्वासाच्या बळावर ही व्यक्तिरेखा साकारली आहे,’ अशी माहिती शशांक शेंडे यांनी दिली. शशांक यांच्याबरोबर चित्रपटात देविका दफ्तरदार, रुचित निनावे, देवेंद्र दोडके, वीरा साथीदार, गजेश कांबळे, सायली देठे, भारत रंगारी, बबिता उईके, रवी धकाते, सुमेधा श्रीरामे, चैताली बोरकुटे, अश्विनी खोब्रागडे आणि सचिन गिरी यांच्या भूमिका आहेत. ‘पल्याड’ची कथा सुदर्शन खडांगळे यांनी लिहिली असून, पटकथा व संवादलेखन सुदर्शन खडांगळे आणि शैलेश भीमराव दुपारे यांनी केलं आहे. हा चित्रपट ४ नोव्हेंबरला राज्यभरात प्रदर्शित होणार आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ना टय़ रं ग : ‘लव्ह यू’ प्रेम म्हणजे नक्की काय असतं?

संबंधित बातम्या

‘आमच्यात एक साम्य आहे, ते म्हणजे आम्ही दोघेही…’ सिद्धार्थने सांगितला रणवीर सिंगचा ‘तो’ किस्सा
“मी खरा आहे कारण…” मानसी नाईकच्या नवऱ्याची ‘ती’ पोस्ट चर्चेत
“मी नकारात्मक गोष्टींपासून…” २४ वर्षांचा संसार अन् सोहेल खानसह घटस्फोटावर पहिल्यांदाच बोलली सीमा
“आपण जे बघतो त्यावर…” मानसी नाईकच्या गंभीर आरोपांवर पतीचे सडेतोड उत्तर
‘द काश्मीर फाइल्स’ला ‘व्हल्गर’ आणि ‘प्रोपगंडा’ म्हणणाऱ्या लॅपिड यांनी मागितली माफी; म्हणाले, “काश्मिरी पंडितांचा…”

व्हिडिओ

ताज्या बातम्या
“महाराष्ट्राच्या दोन मंत्र्यांनी बेळगावला येणं अनुकूल नाही”, कर्नाटकचे मुख्यमंत्री बोम्मईंचा इशारा
पोलीस उपनिरीक्षक विभागीय मर्यादित स्पर्धा परीक्षेची निवड यादी जाहीर; यंदा डिजिटल तंत्रज्ञानाच्या साहाय्याने शारीरिक चाचणी
‘मुंबईतील जुन्या इमारतींच्या पुनर्विकासाच्या निर्णयाला जाणीवपूर्वक उशीर’; शिवसेना खासदार अरविंद सावंत यांचा आरोप
विजय दिवस सोहळ्यात यंदा भरगच्च कार्यक्रम; रौप्यमहोत्सवानिमित्त संरक्षणमंत्री राजनाथ सिंह, शरद पवार यांना निमंत्रण
FIFA WC 2022: मोक्याच्या क्षणी ह्वांग ही चॅन चा गोल! द. कोरिया बाद फेरीत दाखल, मात्र जिंकूनही उरुग्वे विश्वचषकातून बाहेर