Shashank Shende unique role Artist hard work character ysh 95 | Loksatta

शशांक शेंडे अनोख्या भूमिकेत

‘पल्याड’ या आगामी मराठी चित्रपटात स्मशानजोग्याच्या भूमिकेत असणारे शशांक शेंडे एका वेगळय़ाच लुकमध्ये प्रेक्षकांसमोर येणार आहेत.

शशांक शेंडे अनोख्या भूमिकेत
शशांक शेंडे

काही कलाकार भूमिकेला योग्य न्याय देण्यासाठी कोणत्याही प्रकारची मेहनत घ्यायला तयार असतात. आपल्या वाटय़ाला आलेली व्यक्तिरेखा प्रामाणिकपणे आणि पूर्ण मेहनतीने साकारण्यात माहीर असणाऱ्या कलाकारांपैकी एक आहेत अभिनेते शशांक शेंडे. शशांक यांनी नेहमीच वेगवेगळय़ा प्रकारच्या भूमिका साकारल्या आहेत. आता ‘पल्याड’ या आगामी मराठी चित्रपटात स्मशानजोग्याच्या भूमिकेत असणारे शशांक शेंडे एका वेगळय़ाच लुकमध्ये प्रेक्षकांसमोर येणार आहेत.

‘पल्याड’ या चित्रपटात स्मशानजोगी समाजातल्या एका परिवाराची गोष्ट रंगवण्यात आली आहे. त्यामुळे शशांक यांचा लुक काहीसा फकिरासारखा आहे. वाढलेली दाढी-मिशी, भगवं वस्त्र, डोक्यावर फेटा, खांद्यावर उपरणं, कपाळासोबतच दोन्ही डोळय़ांच्या खालच्या बाजूस लावलेला अष्टगंध, गळय़ात विविध प्रकारच्या माळा, शंख, तावीज, हातामध्ये घुंगरू लावलेली काठी आणि घंटी असा आजवर साकारलेल्या व्यक्तिरेखांपेक्षा खूपच वेगळय़ा अशा लुकमध्ये ते पाहायला मिळणार आहेत. निर्माते पवन सादमवार, सुरज सादमवार, मंगेश दुपारे, प्रणोती पांचाळ आणि शैलेश भीमराव दुपारे यांनी ‘पल्याड’ची निर्मिती केली आहे तर दिग्दर्शन शैलेश भीमराव दुपारे यांचं आहे.

‘या भूमिकेसाठी एका वेगळय़ाच ऊर्जेची गरज होती. लुकच्या जोडीने बोलीभाषा, देहबोली आणि प्रचंड आत्मविश्वासाच्या बळावर ही व्यक्तिरेखा साकारली आहे,’ अशी माहिती शशांक शेंडे यांनी दिली. शशांक यांच्याबरोबर चित्रपटात देविका दफ्तरदार, रुचित निनावे, देवेंद्र दोडके, वीरा साथीदार, गजेश कांबळे, सायली देठे, भारत रंगारी, बबिता उईके, रवी धकाते, सुमेधा श्रीरामे, चैताली बोरकुटे, अश्विनी खोब्रागडे आणि सचिन गिरी यांच्या भूमिका आहेत. ‘पल्याड’ची कथा सुदर्शन खडांगळे यांनी लिहिली असून, पटकथा व संवादलेखन सुदर्शन खडांगळे आणि शैलेश भीमराव दुपारे यांनी केलं आहे. हा चित्रपट ४ नोव्हेंबरला राज्यभरात प्रदर्शित होणार आहे.

मराठीतील सर्व मनोरंजन ( Manoranjan ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
ना टय़ रं ग : ‘लव्ह यू’ प्रेम म्हणजे नक्की काय असतं?

संबंधित बातम्या

“आधीच श्रद्धांजली वाहणाऱ्यांचा जीव भांड्यात पडला…” विक्रम गोखलेंच्या निधनानंतर शरद पोंक्षेंची संतप्त प्रतिक्रिया
विक्रम गोखलेंच्या निधनानंतर ज्येष्ठ अभिनेते दिलीप प्रभावळकर यांची प्रतिक्रिया म्हणाले, “अभिनयाची संस्था…”
“एवढ्या खालच्या थराला…” मानसी नाईकने सांगितले घटस्फोट घेण्यामागचे कारण
विक्रम गोखले यांच्या निधनानंतर नटसम्राट मधील ‘तो’ सीन होतोय Viral; जेव्हा प्रेक्षक ढसाढसा रडले पण…
“मी कायम तुझ्यासमोर नतमस्तक होतो”… नाना पाटेकर यांची विक्रम गोखलेंबद्दल भावूक पोस्ट

व्हिडिओ

ताज्या बातम्या
Gujarat Election 2022: अहमदाबादमधून अमित शाह नावाच्या व्यक्तीला भाजपाकडून उमेदवारी
‘म्हाडा’ची ४६७८ घरांसाठी पुढील आठवडय़ात सोडत 
वादग्रस्त ट्वीटप्रकरणी रिचा चड्ढाविरुद्ध कारवाईची तयारी; मध्य प्रदेशच्या गृहमंत्र्यांकडून माहिती
कुमार सोहोनी आणि प्रशांत दामले यांना संगीत नाटक अकादमी पुरस्कार
पालकांसाठी ‘बालभारती’ची उजळणी..