उल्हास नदी पाणीसाठय़ाच्या नियोजनाकरिता कळवा लघू पाटबंधारे विभागाकडून १४ टक्के पाणीकपात करण्यात येत आहे. ठाणे शहराला स्टेम पाणीपुरवठा विभागाकडून होणारा पाणीपुरवठा मंगळवारी, १ जानेवारी रोजी सकाळी नऊ ते २ जानेवारी सकाळी नऊ वाजेपर्यंत बंद ठेवण्यात येणार आहे. या काळात ठाणे शहर, महागिरी, ऋतुपार्क, उथळसर, नौपाडा, वृंदावन, श्रीरंग, पाचपाखाडी, चरई, रेतीबंदर, मुंब्रा परिसराचा पाणीपुरवठा बंद राहणार आहे. या बंदमुळे पुढील दोन दिवस पाणीपुरवठा कमी दाबाने होणार असल्याचे ठाणे पालिकेने कळविले आहे.