सिनेरसिकांसाठी ‘बॉलिवूड थीमपार्क’

1/12

महिला दिनाचे निमित्त साधत कलादिग्दर्शक नितीन चंद्रकांत देसाई यांच्या कर्जत येथील एन.डी. स्टुडिओत बॉलिवूड थीमपार्क उभारण्यात आला.

2/12

अखंड बॉलिवूडचा नजराणा याची देही याची डोळा पाहण्याचा रंजक अनुभव महिलांनी घेतला.

3/12

एन.डी. फिल्म वर्ल्डच्या अंतर्गत, एन.डी. स्टुडियोच्या भव्यदिव्य आवारात उभारण्यात आलेल्या या मायानगरीत, मराठी अभिनेत्री मानसी नाईकने बॉलीवूडच्या 'चांदनी' श्रीदेवी यांच्या गाण्यांवर नृत्य करत त्यांना अनोखी श्रद्धांजली वाहिली.

4/12

भारतीय चित्रपटसृष्टीने सजलेला हा बॉलिवूड थीमपार्क आता प्रेक्षकांसाठी खुले करण्यात आले आहे. लोकांसमोर सादर झालेली ही फिल्मीदुनिया सिनेचाहत्यांसाठी पर्वणी ठरणार आहे.

5/12

कृष्णधवल ते रंगीत अशी भारतीय चित्रपटसृष्टीच्या दीर्घ प्रवासाची सफर यात घडून येणार असून, फिल्मी परेडचा रोमांचदेखील प्रेक्षकांना अनुभवता येईल.

6/12

या बॉलिवूड थीमपार्कात ऐतिहासिक चित्रपटासाठी उभारण्यात आलेले राजवाडे, गड-किल्ल्यांचे सेट्स तसेच अलिशान बंगले आहेत, ज्यात प्रेक्षकांना वावरतादेखील येणार असल्यामुळे, सिनेमातील जग आणि त्यातील पात्र तसेच बाजारपेठाची रंजक सफर करण्याची नामी संधी यात मिळणार आहे.

7/12

या महाफिल्मोत्सवामध्ये सिनेमातील स्टंट, नाचगाणी तसेच अॅक्शनपटात सिनेरसिकांना स्वतः सहभाग घेता येणार आहे.

8/12

सिनेमातील पात्रांचा पेहराव आणि मेक-अप करण्याची संधी यात असून, आपल्या आवडत्या सिनेमात प्रेक्षक म्हणून नव्हे तर एक कलाकार म्हणून वावरण्याची मुभा यात प्रेक्षकांना देण्यात आली आहे.

9/12

तसेच, या फिल्मोत्सवात उदयोन्मुख कलाकारांसाठी मुक्त व्यासपीठ उभारले जाणार असून, याची दखल बॉलिवूडचे दिग्गज दिग्दर्शक आणि निर्मात्यांकडून घेतली जाणार आहे.

10/12

फिल्मी डान्स, गायन, कॉमेडी, मुकद्दर का सिकंदर यांसारखे टॅलेंट शोदेखील यात असून, फिल्मोत्सवातील प्रत्येक सेक्शनमध्ये होणाऱ्या लाइव्ह प्रात्यक्षिकांमध्ये सिनेरसिकांना सहभागी होता येणार आहे.