Photos: भाऊ कदमच्या लेकीने सुरु केला नवा व्यवसाय

मराठी कलाविश्वात अनेक नावाजलेले विनोदवीर आहेत. त्यामधील एक अतिशय लोकप्रिय नाव म्हणजे अभिनेता, विनोदवीर भाऊ कदम. आपल्या विनोदबुद्धीने आणि विनोदाचं अचूक टायमिंग साधत भाऊ कदमने अनेकांच्या मनात घर केले आहे. आज महाराष्ट्राच्या घराघरात भाऊ कदम हे नाव पोहोचले आहे. त्यांचा चाहता वर्ग देखील मोठा आहे.भाऊ कदम या नावाने ओळखल्या जाणाऱ्या या अभिनेत्याचं खरं नाव भालचंद्र कदम असं आहे. मात्र चाहते त्याला प्रेमाने भाऊ कदम असंच म्हणतात. भाऊ कदम यांची कन्या मृण्मयी कदम सोशल मीडियावर स्वत:ची वेगळी ओळख निर्माण करू पाहतेय.मृण्मयीने के. जी. जोशी आणि एन. जी. बेडेकर कॉलेज ऑफ कॉमर्समधून शिक्षण पूर्ण केलं.मृण्मयीचं स्वत:चं युट्युब चॅनल असून त्याचे हजारो सबस्क्राइबर्स आहेत.सध्या मृण्ययी नॅशनल इन्स्टिट्यूट ऑफ फॅशन टेक्नॉलॉजी येथे पुढचं शिक्षण घेत आहे.मृण्मयीने स्वतःचा नवीन व्यवसाय सुरु केला आहे.'तारुंध्या' असं मृण्मयीच्या ब्रॅण्डचं नाव आहे. मृण्मयीचा 'ट्रेंडी हेअर बो' (Scrunchies) चा व्यवसाय आहे. तरुणांमध्ये हा ब्रॅण्ड चांगलाच लोकप्रिय आहे.चाहत्यांनी मृण्मयीचे कौतुक केले असून तिला नवीन व्यवसायासाठी शुभेच्छा दिल्या आहेत.भाऊ कदमसारखंच अभिनय क्षेत्रात काम करणार का यावर मृण्मयी म्हणाली, "आधी शिक्षण पूर्ण करायचं आहे. पण जर संधी मिळाली तर अभिनय नक्की करायला आवडेल."मृण्मयीशिवाय भाऊला दोन मुली आणि एक मुलगा आहे. संचिता, समृद्धी आणि आराध्य अशी त्यांची नावं आहेत.मृण्मयी सोशल मीडियावर बरीच सक्रिय असते.मृण्मयीच्या चाहत्यांची संख्यासुद्धा दिवसेंदिवस वाढत आहे.(सर्व फोटो सौजन्य : मृण्मयी कदम / इन्स्टाग्राम)