Photos : तुम हुस्न परी, तुम जान-ए-जहाँ! गुलाबी रंगात खुललं उर्वशी रौतेलाचं सौंदर्य; ड्रेसची किंमत इतकी की…

उर्वशी रौतेला तिच्या चित्रपटांपेक्षा तिच्या लिंक-अप्स आणि लूकमुळे अधिक चर्चेत असते. तिने कोणताही ड्रेस परिधान केला तरी ती अप्रतिम दिसते. अलीकडेच दुबईतील फिल्मफेअर मिडल ईस्ट अवॉर्ड शोमध्ये जेव्हा उर्वशीने रेड कार्पेटवर एन्ट्री केली तेव्हा तिचे सौंदर्य बघून सर्वच थक्क झाले. या घट्ट गुलाबी ड्रेसमध्ये उर्वशी इतकी सुंदर दिसत होती की तिच्या सौंदर्याचे वर्णन करायला शब्दच कमी पडतील. उर्वशीने यावेळी तिचे सौंदर्य खुलवण्यासाठी गुलाबी रंगाचा मॅक्सी गाऊन निवडला. हा ड्रेस एका खास कापडापासून तयार करण्यात आला होता. ड्रेसमध्ये शिमरी इफेक्ट आणण्यासाठी खास क्रिस्टल वर्क केले गेले. कॅमेऱ्याच्या प्रकाशात हे चमकणारे क्रिस्टल्स उर्वशीला ड्रीमी लूक देत होते. या गाऊनमध्ये स्ट्रेटकट नेकलाइन देण्यात आली होती, तर कमरेवर कॉर्सेट फिटिंग देण्यात आली होती. यामुळे उर्वशीचे आकर्षक शरीर हायलाइट झाले. तथापि, गाउनच्या तळाशी हेमलाइनला जोडलेले पंख सर्वात आकर्षक दिसत होते. उर्वशीचा हा बॉडीकॉन गाऊन डिझायनर इरेना सोप्रानोच्या सोल अँजेलन या लेबलवरून घेण्यात आला होता. अधिकृत वेबसाइटवर त्याची किंमत ४,५०० अमेरिकन डॉलर इतकी आहे. भारतीय चलनानुसार ही किंमत सुमारे ३,६७,४३१ रुपये इतकी आहे. उर्वशी रौतेला या जबरदस्त पिंक स्ट्रॅपलेस कॉर्सेट गाउनमुळे अगदी बार्बी डॉलसारखी दिसत होती. तिने कानात स्टेटमेंट इअररिंग्ज घातले होते, तर डोक्यावर मुकुट होता. या दागिन्यांमुळे ती एखादी राजकन्या भासत होती. दरम्यान, सध्या सर्वत्र उर्वशीच्या या लूकची चर्चा आहे. (सर्व फोटो : इन्स्टाग्राम)