समांथाची जादू अजूनही कायम; लोकप्रिय स्टार्सच्या यादीत दीपिका आलियालाही टाकलं मागे; पाहा संपूर्ण यादी

ऑरमॅक्स स्टार्स इंडिया लव्हने ऑक्टोबर महिन्यातील सर्वाधिक लोकप्रिय अभिनेत्रीची यादी जाहीर केली आहे. या यादीमध्ये भारतातील सर्वांत लोकप्रिय १० अभिनेत्रींच्या नावांचा समावेश आहे. या यादीमधील विशेष गोष्ट म्हणजे बॉलिवूडच्या आघाडीच्या अभिनेत्रींना दाक्षिणात्य अभिनेत्रींनीं धूळ चारली आहे. अभिनेत्री आलिया भट्ट, दीपिका पदुकोण, कतरिना कैफ या यादीमध्ये मागे राहिल्या आहेत. या यादीमध्ये दाक्षिणात्य अभिनेत्री समांथा रुथ प्रभू हिने आघाडी घेतली आहे. समांथा रुथ प्रभूची बॉक्स ऑफिसवरील जादू अजूनही कायम असून तिला सर्वात लोकप्रिय महिला स्टार म्हणून निवडण्यात आले आहे. सर्वाधिक लोकप्रिय महिला स्टारच्या यादीत समांथा रुथ प्रभू पहिल्या स्थानावर आहे. अभिनेत्री आलिया भट्ट, दीपिका पदुकोण आणि कतरिना कैफ यांनाही समांथाने मागे टाकलं आहे. या यादीमध्ये समांथा रुथ प्रभू पहिल्या क्रमांकावर आहे. आलिया भट्ट दुसऱ्या क्रमांकावर आहे. नयनतारा तिसऱ्या क्रमांकावर आहे. चौथ्या क्रमांकावर काजल अग्रवाल आहे. दीपिका पदुकोण पाचव्या क्रमांकावर आहे. सहाव्या क्रमांकावर रश्मिका मंदान्ना आहे. कतरिना कैफ सातव्या क्रमांकावर आहे. आठव्या क्रमांकावर अनुष्का शेट्टी आहे. क्रिती सुरेश नवव्या क्रमांकावर आहे. दहाव्या क्रमांकावर त्रिशा कृष्णन आहे. (सर्व फोटो : Instagram)