Photos: तुम्हालाही वेळेत चहा लागतो का? मग चहा पिण्याचे ‘हे’ फायदेही जाणून घ्या

आपल्यापैकी अनेकांच्या दिवसाची सुरुवात चहाने होते. आपल्या भारतीयांच्या सगळ्या समस्यांवर एकच उपाय म्हणजे चहा. टेन्शन आल्यावर चहा, डोकं दुखत असेल तर चहा, झोप येत असेल तर चहा. चहाशिवाय चहाप्रेमींच्या दिवसाची सुरुवातही होत नाही आणि दिवस संपतही नाही. एवढंच काय अनेक कार्यक्रमांत, समारंभातही आवर्जून चहाचा आस्वाद घेतला जातो. आलं घातलेला, गवती किंवा तुळस चहा आरोग्यदायी मानला जातो. दररोज चहा पिण्याचे काही आश्चर्यकारक फायदेदेखील आहेत. वजन कमी करण्यास मदत : जर तुम्ही वजन कमी करण्याचा विचार करत असाल तर तुमच्या आहारात चहाचा समावेश करा. चहाचे सेवन केल्यामुळे वजन कमी करण्यास मदत होते. चहामुळे शरीरातील मेटाबॉलिझम देखील वाढते. कॅलरीज कमी प्रमाणात असलेल्या ग्रीन टीचे देखील तुम्ही सेवन करू शकता. मानसिक आरोग्य : टेन्शन आल्यावर किंवा ताण-तणावाखाली असताना आपल्यापैकी अनेक जण चहा पितात. चहामध्ये असे अनेक गुणधर्म आहेत ज्यामुळे डोकेदुखी, ताण-तणाव कमी होण्यास मदत होते. त्यामुळे मानसिक आरोग्य देखील सुधारते. पचनक्रिया सुधारते : पचनाचा त्रास, पोटदुखी होत असेल तर आहारात आयुर्वेदिक चहाचा समावेश जरूर करा. चहामुळे पचनक्रिया सुधारून पोटदुखीचा त्रास कमी होतो. आयुर्वेदिक किंवा आल्याचा चहाचे तुम्ही सेवन करू शकता. ह्रद्याचे आरोग्य : चहा ह्रद्याच्या आरोग्यासाठी गुणकारी आहे, हे सांगितल्यावर तुम्ही आश्चर्यचकित व्हाल. चहात ह्रद्यविकाराचा धोका कमी करण्याचे गुणधर्म आहेत. चहामुळे ह्रद्याचे स्वास्थ्य चांगले राहण्यास मदत होते. कॅन्सर प्रतिरोधक : ग्रीन आणि ब्लॅक टीचे सेवन केल्यास कॅन्सरचा धोका कमी होतो. चहाचे सेवन केल्याने शरीरात कॅन्सरला प्रतिरोध करणाऱ्या पेशींची वाढ होते. त्यामुळे कॅन्सरचा धोका कमी होतो. (सर्व फोटो : Pexels, Unsplash)