Mumbai Rains : करोनाशी लढणाऱ्या मुंबईला पावसाने झोडपलं

1/20

राज्यात आनंद घेऊन येणाऱ्या पावसाची सुरुवात मुंबईसाठी मात्र जनजीवन विस्कळित करणारी ठरली. (फोटो : नरेंद्र वासकर, इंडियन एक्सप्रेस)

2/20

मोसमी पावसाने पहिल्याच दिवशी मुंबई आणि उपनगरांत कहर केला. (फोटो : नरेंद्र वासकर, इंडियन एक्सप्रेस)

3/20

तुंबलेले रस्ते, बंद पडलेली लोकल आणि चिखलातून वाट तुडवत घर किंवा कार्यालय गाठताना मुंबईकरांना कसरत करावी लागली. (फोटो : नरेंद्र वासकर, इंडियन एक्सप्रेस)

4/20

भरतीच्या वेळेतच जोरदार बरसणाऱ्या जलधारांनी मुंबईची वाहतूक व्यवस्था कोलमडून टाकली. (फोटो – अमित चक्रवर्ती, इंडियन एक्सप्रेस)

5/20

सतत कोसळणारा पाऊस आणि भरतीच्या जोरामुळे पंपाद्वारे पाणी उपसण्याचे फोल ठरलेले प्रयत्न यामुळे शहर आणि उपनगरांतील अनेक भागांत पाणी साचले. (फोटो – अमित चक्रवर्ती, इंडियन एक्सप्रेस)

6/20

मुंबई उपनगरात बुधवारी सरासरी २२०.६ मिलीमीटर पावसाची नोंद झाली तर, शहर भागात ४५.६ मिलीमीटर पाऊस झाला. (फोटो – अमित चक्रवर्ती, इंडियन एक्सप्रेस)

7/20

पुढील तीन दिवस मुंबई आणि परिसरात देण्यात आलेला अतिमुसळधार पावसाचा इशारा कायम आहे. (फोटो – अमित चक्रवर्ती, इंडियन एक्सप्रेस)

8/20

मुंबईत ठिकठिकाणी पाणी तुंबले. (फोटो : नरेंद्र वासकर, इंडियन एक्सप्रेस)

9/20

साचलेले पाणी, खड्डे यांमुळे रस्त्यावरील वाहने तासनतास एकाच जागी उभी होती. (फोटो – अमित चक्रवर्ती, इंडियन एक्सप्रेस)

10/20

दिवसभर मुसळधार पाऊस पडत असतानाही पश्चिम रेल्वेवरील लोकल सेवा सुरळीत सुरू राहिली. (फोटो – अमित चक्रवर्ती, इंडियन एक्सप्रेस)

11/20

मात्र तीन ठिकाणी साचलेल्या पाण्यामुळे मध्य रेल्वे मुख्य मार्ग व हार्बरवरील लोकल सेवा सुमारे दहा तास ठप्प राहिली. त्यामुळे प्रवाशांचे हाल झाले. (फोटो – अमित चक्रवर्ती, इंडियन एक्सप्रेस)

12/20

कामानिमित्त सकाळी लोकल पकडून मुंबईच्या दिशेने जाणाऱ्या प्रवाशांचे यामुळे हाल झाले. (फोटो – अमित चक्रवर्ती, इंडियन एक्सप्रेस)

13/20

काही लोकल दोन स्थानकांदरम्यान उभ्या राहिल्याने लोकलमधून उतरून भर पाण्यातून रुळांवरून वाट काढत प्रवाशांनी जवळचे स्थानक गाठले. (फोटो – अमित चक्रवर्ती, इंडियन एक्सप्रेस)

14/20

पावसात रिक्षा, टॅक्सी, बेस्ट बस मिळवतानाही अनेकांची त्रेधातिरपीट उडाली. (फोटो – अमित चक्रवर्ती, इंडियन एक्सप्रेस)

15/20

पहिल्याच दिवशी पावसाने मुंबई आणि परिसराला झोडपून काढले आणि पावसाळ्याला तोंड देण्यास सज्ज असल्याचे पालिकेचे दावे निकाली निघाले. (फोटो : नरेंद्र वासकर, इंडियन एक्सप्रेस)

16/20

मुंबईत जून महिन्यातील पावसाच्या एकू ण सरासरीच्या ४० टक्के पाऊस बुधवारी एकाच दिवसात उपनगरांमध्ये कोसळला. (फोटो – अमित चक्रवर्ती, इंडियन एक्सप्रेस)

17/20

मुसळधार पावसाच्या पार्श्वभूमीवर मुख्यमंत्री उद्धव ठाकरे यांनी बुधवारी दुपारी पालिका मुख्यालयातील आपत्कालीन नियंत्रण कक्षाला भेट देऊन मुंबईतील परिस्थितीचा आढावा घेतला. (फोटो – अमित चक्रवर्ती, इंडियन एक्सप्रेस)

18/20

मुंबईसह ठाणे, पालघर, रायगड येथेही जोरदार पावसाने हजेरी लावली. (फोटो : नरेंद्र वासकर, इंडियन एक्सप्रेस)

19/20

मुंबईसह किनारपट्टीवर पावसाचा जोर पुढील दोन-तीन दिवस कायम राहण्याचा अंदाज हवामान विभागाने वर्तवला आहे. (फोटो – अमित चक्रवर्ती, इंडियन एक्सप्रेस)

20/20

मुंबई, ठाणे, रायगड येथे अतिमुसळधार पावसाची शक्यता असल्याने १३ जूनपर्यंत ‘ऑरेंज अलर्ट’ म्हणजे सावधानतेचा इशारा कायम आहे. (फोटो – अमित चक्रवर्ती, इंडियन एक्सप्रेस)