मिकी माऊसची चादर, रंगेबेरंगी भिंती; पाहा लहान मुलांच्या कोव्हिड सेंटरमधील फोटो

1/11

कोरोनाच्या संभाव्य तिसऱ्या लाटेचा सर्वाधिक धोका लहान मुलांना असल्याची शक्यता वर्तवण्यात येत आहे. या पार्श्वभूमीवर मुंबई विद्यापीठाच्या कलिना परिसरात आयटी पार्कमध्ये लहान मुलांसाठी कोव्हिड सेंटर उभारण्यात आले आहे.

2/11

मुख्यमंत्री उद्धव ठाकरे यांच्या हस्ते आज या लहान मुलांसाठीच्या कोविड काळजी केंद्राचे लोकार्पण करण्यात आले.

3/11

कलिना विद्यापीठ आयटी पार्क येथे उभारण्यात आलेले लहान मुलांचे करोना काळजी केंद्र हे ५ हजार चौरस फूटांचे असून त्यात ३० रुग्णांच्या खाटा आहेत.

4/11

तसेच लहान मुलांच्या मनोरंजनासाठी प्रशस्त जागा आहे. हे केंद्र करोनाग्रस्त लहान मुलांना अलगीकरण व त्यांच्या उपचाराकरिता तयार करण्यात आले आहे.

5/11

याठिकाणी स्तनदा मातांना स्तनपानाकरिता स्वतंत्र कक्ष तयार करण्यात आला आहे. तसेच करोनाग्रस्त मुलांसोबत पालकांनाही राहण्याची व्यवस्था करण्यात आली आहे.

6/11

मुलांसाठी मनोरंजन उपक्रम उपलब्ध करून देण्यात आली आहेत. तसेच, या केंद्रात लहान मुलांना दवाखान्यात आल्यासारखे वाटू नये व आनंददायी वातावरण असावे असा प्रयत्न करण्यात आला आहे.

7/11

मुलांवर महापालिकेच्या व्ही. एन. देसाई रुग्णालयातील व खासगी रुग्णालयातील बालरोग तज्ज्ञ यांच्या मार्गदर्शनाखाली उपचार करण्यात येणार आहेत.

8/11

या केंद्रामध्ये ऑक्सिजनयुक्त अद्ययावत रुग्णवाहिका उपलब्ध करण्यात आली आहे. या करोना काळजी केंद्रात २४ तास स्वच्छता व सुरक्षितेसाठी कर्मचारी वर्ग उपलब्ध करून देण्यात आला आहे.

9/11

या ठिकाणी लहान मुलांना पोषक आहार देण्यात येणार आहे.

10/11

यावेळी, कोविडचा धोका टळलेला नाही हे लक्षात घेऊन एक जबाबदार नागरिक म्हणून वागा असे, आवाहन मुख्यमंत्री उद्धव ठाकरे यांनी नागरिकांना केले.

11/11

तसेच या सेंटरच्या भिंतींना रंगेबेरंगी रंग देण्यात आला आहे. तसेच बेडवर असलेल्या चादरीवर मिकी माऊस, मिनी माऊस यासारखे कार्टून्स दिसत आहे.