व्हेनेझुएलामध्ये फक्त २ रुपये लिटरनं विकलं जातं पेट्रोल; भारताचा सर्वात महागड्या देशांमध्ये समावेश, जाणून घ्या काही देशातील दर

देशातील बहुतांश शहरांमध्ये पेट्रोल १०० रुपयांपेक्षा जास्त किमतीत विकले जात आहे.पेट्रोल महागडे विकणाऱ्या देशांच्या यादीत भारताचा समावेश आहे.जगभरातील अनेक देशांमध्ये पेट्रोल महागडे विकले जात असले तरी काही देशांमध्ये पेट्रोल नाममात्र दराने विकले जाते.याचं उत्तम उदाहरण म्हणजे व्हेनेझुएला. तिथे फक्त २ रुपये लिटर पेट्रोल विकले जाते.महागडे पेट्रोल विकणाऱ्या देशांच्या यादीत भारत १२ व्या क्रमांकावर आहे.जगातील सर्वात महाग पेट्रोल हाँगकाँगमध्ये मिळते. हाँगकाँगमध्ये एक लिटर पेट्रोल १९४ रुपयांना मिळते.यानंतर या यादीत नेदरलँड दुसऱ्या क्रमांकावर आहे. नेदरलँडमध्ये एक लिटर पेट्रोलची किंमत १७१ रुपये आहे.त्याचबरोबर या यादीत तिसऱ्या क्रमांकावर असलेल्या इस्रायलमध्ये एक लिटर पेट्रोलची किंमत १६२ रुपये आहे.अनेक युरोपीय देशांमध्ये पेट्रोलही खूप महाग आहे. युरोपियन देश ग्रीसमध्ये एक लिटर पेट्रोलची किंमत १४९ रुपये आहे. तर ग्रेट ब्रिटनमध्ये १४७ रुपये आहे.पोर्तुगालमध्ये एक लिटर पेट्रोलची किंमत १४४ रुपये आहे, तर जर्मनीमध्ये एक लिटर पेट्रोलची किंमत १३६ रुपये आहे.स्पेनमध्येही एक लिटर पेट्रोलसाठी १२६ रुपये मोजावे लागतात. दुसरीकडे, भारतात एक लिटर पेट्रोलची सरासरी किंमत सुमारे ९५ रुपये आहे.भारतात गेल्या महिनाभरापासून पेट्रोल आणि डिझेलचे दर स्थिर आहेत.रविवारी देशाची राजधानी दिल्लीत एक लिटर पेट्रोल ९५.४१ रुपये आणि डिझेल ८६.६७ रुपये दराने विकले जात आहे.त्याचवेळी आर्थिक राजधानी मुंबईत एक लिटर पेट्रोल १०९.९८ रुपयांना तर एक लिटर डिझेल ९४.१४ रुपयांना मिळत आहे.विशेष म्हणजे दिवाळीच्या मुहूर्तावर केंद्र सरकारने पेट्रोल आणि डिझेलवरील व्हॅट अनुक्रमे ५ आणि १० रुपयांनी कमी केला होता.यासोबतच अनेक राज्य सरकारांनी दोन्ही इंधनावरील व्हॅट आणखी कमी केला आहे.केंद्र सरकार आणि राज्य सरकारने व्हॅटमध्ये कपात केल्यानंतर इंधनाच्या किमती कमी झाल्या होत्या. (सर्व फोटो संग्रहित (लोकसत्ता आणि इंडियन एक्सप्रेस)

जाणून घ्या काही प्रमुख देशांमधील पेट्रोलचे दर..