PHOTOS: कोसळलेला पूल, अडकलेले लोक आणि मदतीसाठी आरडाओरड; गुजरातमधील मोरबी पूल दुर्घटनेची डोळे पाणवणारी छायाचित्रे

1/30

गुजरातमधील मोरबी येथील मच्छू नदीवरील जुना झुलता पूल काल सायंकाळनंतर कोसळला.

2/30

जवळपास १०० वर्षे जुना असलेला हा झुलता पूल कोसळल्याने भीषण दुर्घटना घडली.

3/30

या भीषण दुर्घटनेत आतापर्यंत प्राप्त माहितीनुसार १०० पेक्षा अधिक जणांचा मृत्यू झालेला आहे.

4/30

पूल पडल्यानंतर अनेक जण नदीत वाहून गेल्याची शक्यता असून मृतांचा आकडा वाढण्याची भीती आहे.

5/30

दुर्घटना घडल्यापासून शोध व बचावकार्य सातत्याने सुरू आहे.

6/30

या दुर्घटनेनंतर नेव्ही, एअरफोर्स, आर्मी व एनडीआरएफ कडून रात्रभर बचाव व शोधकार्य सुरू होते व अद्यापही सुरूच आहे.

7/30

विशेष म्हणजे या भागात येणाऱ्या पर्यटकांचे मुख्य आकर्षण असलेला हा पूल सहा महिने नूतनीकरणासाठी बंद होता.

8/30

एका खासगी कंत्राटदाराने डागडुजी केल्यानंतर गुजराती नववर्षदिनी, २६ ऑक्टोबरला पूल पुन्हा खुला करण्यात आला होता.

9/30

मात्र हा पूल वापरयोग्य असल्याचे प्रमाणपत्र पालिकेने दिले नव्हते, असे समजते.

10/30

दिवाळीची सुट्टी आणि रविवार असल्यामुळे पुलावर पर्यटकांची प्रचंड गर्दी होती. यात महिला आणि मुलांची संख्या जास्त असल्याची माहिती प्रत्यक्षदर्शीनी दिली.

11/30

गर्दीमुळे वजन न पेलल्यामुळे पूल कोसळल्याचा प्राथमिक अंदाज आहे.

12/30

अग्निशमन दलासह स्थानिक बचावपथकांनी बोटींद्वारे नदीपात्रात शोधमोहीम सुरू केली आहे.

13/30

राष्ट्रीय आपत्ती निवारण दलाच्या (एनडीआरएफ) तीन तुकडय़ा गांधीनगर आणि बडोदा येथून घटनास्थळी पाठवण्यात आल्या असून बचावकार्यात हेलिकॉप्टरचीही मदत घेतली जात आहे.

14/30

आतापर्यंत ४० ते ५० जणांना वाचवण्यात यश आल्याची माहिती आहे.

15/30

या घटनेत काही जण जखमी झाले असून त्यांच्यावर उपचार सुरू आहेत.

16/30

घटनेची माहिती मिळताच पंतप्रधान नरेंद्र मोदी यांनी गुजरातचे मुख्यमंत्री भूपेंद्र पटेल यांच्याशी दूरध्वनीद्वारे चर्चा केली आणि बचावकार्याचा आढावा घेतला.

17/30

पीडितांना तातडीने मदत पोहोचली पाहिजे, याची काळजी घेण्याची सूचना पंतप्रधानांनी केली.

18/30

मृतांच्या नातलगांना पंतप्रधान राष्ट्रीय साहाय्यता निधीमधून दोन लाखांचे सानुग्रह अनुदान जाहीर करण्यात आले आहे.

19/30

तर गुजरातच्या मुख्यमंत्र्यांनीही मृतांच्या नातलगांना चार लाख तर जखमींना प्रत्येकी ५० हजारांची मदत जाहीर केली आहे.

20/30

राष्ट्रपती द्रौपदी मुर्मू, उपराष्ट्रपती जगदीप धनखड यांनी या दुर्घटनेबाबत दु:ख व्यक्त केले आहे.

21/30

काँग्रेस अध्यक्ष मल्लिकार्जून खरगे आणि माजी अध्यक्ष राहुल गांधी यांनी या घटनेबाबत दु:ख व्यक्त करतानाच पक्षाच्या स्थानिक कार्यकर्त्यांना बचावकार्यात सहकार्य करण्याचे आवाहन केले आहे.

22/30

ही दुर्घटना घडताच बचाव दल घटनास्थळी दाखल झाले व बचाव कार्य सुरू झाले.

23/30

बोटीद्वारे बेपत्ता झालेल्यांचा शोध सुरू आहे.

24/30

आर्मीचे जवानही बचाव कार्यात सहभागी झाले आहेत

25/30

अनेकांना वाचण्यात यश आले असले तरी अनेकजण अद्यापही बेपत्ता आहे.

26/30

गुजरातचे मुख्यमंत्री भूपेंद्र पटेल यांनी ट्वीट करत शोक व्यक्त केला आहे. 

27/30

या भयानक दुर्घटनेमुळे सर्वत्र हळहळ व्यक्त होत आहे.

28/30

स्थआनिकांनी बचाव कार्यात सहभाग घेतला आहे.

29/30

गुजरातचे गृहमंत्री हर्ष संघवी घटनास्थळी दाखल आहेत.

30/30

तर भाकप खासदार बिनोय विस्वम यांनी या दुर्घटनेला गुजरातचे भाजप सरकार जबाबदार असल्याचा आरोप केला. तसेच पीडितांना जाहीर झालेल्या मदतीत वाढ करण्याची मागणीही त्यांनी केला.