रक्षाबंधन : प्रसिद्धीपासून दूर असलेली विराटची ‘सावली’, जाणून घ्या कोहलीच्या मोठ्या बहिणीबद्दल

आज रक्षाबंधन....म्हणजेच भाऊ आणि बहिणीच्या नात्याचे महत्त्व अधोरेखित करणारा सण. रक्षाबंधन आज देशभरात साजरा होत आहे. प्रत्येक वेळी साथ असल्याचे वचन देऊन आज प्रत्येक बहीण आपल्या भावाला राखी बांधत आहे. क्रीडा विश्वातही भाऊ-बहिणीच्या अशा कथा आहेत, जिथे भावाने बहिणीची स्वप्ने पूर्ण करण्यासाठी जमीन आणि आकाश एक केले. भारतीय क्रिकेट संघाचा कर्णधार विराट कोहली आणि त्याची मोठी बहीण भावना कोहली ही याच जोडीपैकी एक आहे. विराट सध्या इंग्लंड दौऱ्यावर कसोटी मालिका खेळत आहे. विराटच्या नेतृत्वाखालील संघ या कसोटी मालिकेत १-०ने आघाडीवर आहे. भावना कोहली लाइमलाइटपासून दूरच राहते. तिला फक्त कुटुंब आणि मित्रांसोबत वेळ घालवणे आवडते. तिने सोशल मीडियावर कुटुंबाचे फोटोही शेअर केले आहेत. भावनाला कॅमेऱ्यापासून दूर राहणे आवडते. याचे उदाहरण चाहत्यांनी विराट कोहलीच्या लग्नात पाहिले. भावना लग्नात सावलीसारखी उपस्थित होती, पण क्वचितच कॅमेरासमोर आली. भावनाने आपले शालेय शिक्षण सराज मॉडेल स्कूलमधून केले, तर तिने दौलत राम कॉलेजमधून महाविद्यालयीन पदवी घेतली. भावनाने तिचा धाकटा भाऊ विराटचा व्यवसाय एका उंचीवर पोहोचवला. ती विराटच्या फॅशन लेबलचा महत्त्वाचा भाग आहे. कोहली क्रिकेटमध्ये व्यस्त असतो. अशा परिस्थितीत भावनाने त्याच्या व्यवसायाची जबाबदारी स्वीकारली आहे. भावनाला मेहक आणि आयुष ही दोन मुले आहेत. तिचे लग्न संजय धिंग्रासोबत झाले.अभिनेता रणबीर कपूरसोबत भावनाविराट दौऱ्यावर असताना भावना आपल्या आईसोबत असते.महेंद्रसिंह धोनीसोबत भावना आणि तिचा पती संजय धिंग्रा. संजय एक बिझनेसमन आहे.