आईचा आशीर्वाद अन् ओरडाही… आईच्या भीतीपोटी लागलेल्या सवयीमुळे बुमरा आज झालाय ‘यॉर्कर किंग’

1/45

इंग्लंडमध्ये सुरु असणाऱ्या भारत विरुद्ध इंग्लंड कसोटी मालिकेमध्ये सोमवारी भारताने ऐतिहासिक विजय मिळवला.

2/45

५० वर्षांच्या प्रदीर्घ प्रतीक्षेनंतर सोमवारी ओव्हलवर भारतीय संघाने विजयी पताका फडकावला.

3/45

भारतीय संघ सपाट खेळपट्टीवर चांगली गोलंदाजी करु शकणार नाही असा अंदाज व्यक्त केला जात होता.

4/45

मात्र भारतीय गोलंदाजांनी हा अंदाज चुकीचा ठरवत इंग्लंडच्या संघाला ऑल आऊट करण्याचा पराक्रम केला.

5/45

यामध्ये सर्वच भारतीय गोलंदाजांनी भन्नाट गोलंदाजी केली असली तरी जसप्रीत बुमराने लंच ब्रेकनंतर केलेल्या भन्नाट गोलंदाजीमुळे सामन्याचं पारडं भारताच्या बाजूने झुकण्यास सुरुवात झाली.

6/45

रविवारच्या बिनबाद ७७ धावांवरून पुढे खेळताना रॉरी बर्न्‍स आणि हसीब हमीद यांनी अर्धशतके झळकावतानाच शतकी भागीदारी रचली. परंतु शार्दूलचे गोलंदाजीसाठी आगमन होताच त्याने बर्न्‍सचा (५०) अडथळा दूर केला.

7/45

डेव्हिड मलान (५) चोरटी धाव घेण्याच्या प्रयत्नात धावचीत झाला. त्यानंतर रवींद्र जडेजाने हमीदचा (६३) त्रिफळा उडवला. १४१ धावांवर तिसरा बळी गमावल्यानंतर मात्र इंग्लंडची घसरगुंडी उडाली.

8/45

जसप्रीत बुमराने जॉनी बेअरस्टो आणि ऑली पोपला तंबूत परत पाठवलं.

9/45

बुमराने बेअरस्टोला एकही धाव न करता क्लीन बोल्ड करत तंबूत पाठवलं

10/45

तर ऑली पोपला अवघ्या २ धोवांवर त्रिफळाचीत करून इंग्लंडच्या विजयाच्या आशांना सुरुंग लावला.

11/45

फिरकीपटू जडेजाने मोईन अलीला (०) पॅव्हेलियनचा मार्ग दाखवला. मात्र शार्दूलने दुसऱ्या स्पेलमध्ये इंग्लंडचा सर्वाधिक भरवशाचा फलंदाज जो रूटला (३६) त्रिफळाचीत करून भारताचा विजय सुनिश्चित केला.

12/45

ख्रिस वोक्स (१८), क्रेग ओव्हर्टन (१०) यांनी थोडा वेळ भारताचा विजय लांबवला. मात्र उमेश यादवने या दोघांना माघारी पाठवले.

13/45

अखेर ९३ व्या षटकात उमेशनेच जेम्स अँडरसनला बाद केले आणि कोहलीसह सर्व खेळाडू आणि स्टेडियममधील चाहत्यांनी एकच जल्लोष केला.

14/45

विशेष म्हणजे लंच ब्रेकनंतर सामन्यामध्ये भारताने दमदार पुनरागमन केलं. यासाठी बुमराने टाकलेला भन्नाट स्पेल कारणीभूत ठरला.

15/45

बुमरासमोर जगभरातील फलंदाज फारसे प्रभावी ठरत नाहीत. खास करुन त्याच्या यॉर्करसमोर तर फलंदाजाने विकेट टिकवणे एवढं काम जरी यशस्वीपणे केलं तरी फार झालं असं त्याचे चाहते म्हणतात.

16/45

सध्याच्या घडीला जगातील सर्वोत्तम यॉर्कर टाकणाऱ्या आघाडीच्या गोलंदाजांमध्ये बुमराचा समावेश होतो.

17/45

पण तुम्हाला बुमरा एवढे खतरनाक यॉर्कर टाकायला कसा शिकला हे जाणून तुम्हाला फारच आश्चर्य वाटेल.

18/45

त्यातही विशेष गोष्ट म्हणजे जगभरातील फलंदाजांची झोप उडवणारे हे यॉर्कर शिकण्यामागे बुमराची आई कारणीभूत आहे असं सांगितल्यास तुमचा त्यावर विश्वास बसणार नाही.

19/45

बुमरा आईचा फार लाडका आहे.

20/45

तो अनेकदा आपल्या आई आणि बहिणीसोबतचे फोटो सोशल नेटवर्किंगवर शेअर करत असतो.

21/45

लग्नानंतर बुमराने शेअर केलेला हा फोटोही चांगलाच चर्चेत आला होता.

22/45

अगदी बालदिन असो किंवा आईचा वाढदिवस असो बुमरा आईबद्दल अनेकदा सोशल मीडियावरुन जुने फोटो शेअर करत व्यक्त होताना दिसतो.

23/45

बुमराच्या इन्स्टाग्राम अकाऊंटवर त्याचे आईसोबतचे अनेक फोटो पहायला मिळतात.

24/45

आज जगातील सर्वोत्तम गोलंदाजांपैकी एक असणाऱ्या बुमराला त्याची भन्नाट शैली शिकवण्यामागे आईचं अगदीच आगळ्या वेगळ्या पद्धतीने योगदान राहिलं आहे.

25/45

खास करुन चाहत्यांच्या डोळ्यांचं पारणं फेडणारे यॉर्कर बुमरा आईमुळेच शिकल्याचं त्यानेच एका मुलाखतीत सांगितलंय.

26/45

बुमराचे बालपण अहमदाबादमध्ये गेलं.

27/45

बुमराला लहानपणापासूनच क्रिकेटची आवड होती.

28/45

पण बुमरा घरातच प्रॅक्टीस करायचा.

29/45

अगदी मोजक्या जागेत बुमरा गोलंदाजीचा सराव करायचा म्हणूनच आजही त्याचा रनअप फारच छोटा आहे.

30/45

कमी जागेत आणि थेट टप्पा न पडू देता चेंडू टाकण्यास बुमरा हळूहळू लहानपणी सरावादरम्यानच शिकला.

31/45

घरामध्ये रबरी चेंडूने गोलंदाजीचा सराव करताना बुमरा भिंत आणि फरशी जिथे काटकोनात एकमेकांना मिळतात तिथे सातत्याने चेंडू टाकण्याचा सराव करायचा.

32/45

मात्र घरातच सराव करायचा असल्याने आईचा ओरडा खावा लागू नये या हेतूने तो चेंडू टप्पा पडून आवाज होऊ नये म्हणून तो अगदी वेगळ्या पद्धतीने सराव करायचा.

33/45

चेंडूचा कमीत कमी आवाज व्हावा या हेतूने थेट भींत आणि फरशी काटकोनामध्ये मिळतात तिथे चेंडू टाकण्याचा सराव करायचा.

34/45

“आम्ही तेव्हा रबरी चेंडूने खेळायचो ते फार वेगाने वळायचे,” असं बुमराने हिंदुस्तान टाइम्सला दिलेल्या मुलाखतीमध्ये म्हटलं होतं.

35/45

“आम्ही तेव्हा खेळपट्टीवर खेळायचो नाही. त्यामुळे चेंडू वळणे किंवा लेंथ बॉल्स किंवा इतर तांत्रिक गोष्टी तेव्हा नव्हत्या,” असंही त्याने म्हटलं होतं.

36/45

“केवळ फलंदाजाच्या पायाशी फूल लेंथ डिलेव्हरी करणं एवढ्या एकाच हेतूने आम्ही गोलंदाजी करायचो,” असं बुमराह म्हणाला.

37/45

“तुम्हाला विकेट घ्यायच्या असतील तर तुम्हाला यॉर्कर टाकावेच लागतील. मला आजही वाटतं की या लहानपणाच्या सरावाचा प्रभाव माझ्या गोलंदाजीवर जाणवतो,” असं बुमरा म्हणाला होता.

38/45

“तसेच रबरी चेंडूने खेळताना फलंदाज तुमच्या गोलंदाजीवर तुटून पडण्याची शक्यता असल्याने तुम्ही सतत त्याला चकवण्याचा प्रयत्न करता आणि तेच मी आताही करतो,” असं बुमरा म्हणाला होता.

39/45

म्हणजेच आई आवाज झाल्यावर ओरडेल या एका भीतीपोटी लागल्या सवयीमुळे आज बुमराला गोलंदाजीची आणि यॉर्करची स्वत:ची शैली सापडलीय. हे सारं वाचल्यावर खरोखरच एक आंतरराष्ट्रीय गोलंदाज असलेल्या बुमराच्या आजच्या भन्नाट गोलंदाजीसाठी त्याच्या आईचेच चाहत्यांनी आभार मानले पाहिजे असं म्हटल्यास चुकीचं ठरणार नाही.

40/45

दरम्यान, भारताने पाच सामन्यांच्या मालिकेत चार सामन्यांनंतर २-१ ने आघाडी मिळवली आहे.,

41/45

बुमरा आणि इतर गोलंदाजांनी चौथ्या कसोटीसारखीच कामगिरी शेवटच्या कसोटीतही केली तर भारत ही मालिका ३-१ च्या फरकाने जिंकू शकतो.

42/45

१० तारखेपासून मँचेस्टरमध्ये मालिकेतील अखेरची कसोटी सुरु होणार आहे.

43/45

विजयी धौडदौड कायम ठेवण्यासाठी १० तारखेला भारतीय संघ मैदानात उतरले.

44/45

तर मालिका अनिर्णित राखण्यासाठी इंग्लंडा हा पाचवा सामना जिंकणं अनिवार्य असणार आहे. (सर्व फोटो इन्स्टाग्राम आणि ट्विटरवरुन साभार)