राहुल द्रविडमधील ‘र’ अन् सचिन तेंडुलकरमधील ‘चिन’ = रचिन; जाणून घ्या न्यूझीलंडच्या रचिन रवींद्रचं जवागल श्रीनाथ कनेक्शन

1/24

जयपूरच्या मैदानामध्ये बुधवारी पार पडलेल्या भारत विरुद्ध न्यूझीलंड सामन्यामध्ये पाहुण्या संघात एका अशा खेळाडूचा सामावेश होता की ज्याच्या नावामुळे त्याची भारतीय चाहत्यांमध्ये फार चर्चा झाली.

2/24

या खेळाडूचं नाव त्याच्या कामगिरीपेक्षा अधिक चर्चेत राहिलं तो खेळाडू आहे रचिन रवींद्र.

3/24

अर्थात रचिनला या सामन्यामध्ये फारशी संधी मिळाली नाही. मात्र रोहितला बाद करण्यामध्ये त्याने झेल पकडून महत्वाचा वाटा उचलला.

4/24

१८ व्या षटकामध्ये रचिन फलंदाजीला आला.

5/24

मात्र रचिन मोठा फटका मारण्याच्या नादात ८ चेंडूंमध्ये सात धावा करुन बाद झाला.

6/24

रचिन हा अष्टपैलू खेळाडू असून तो डावखुऱ्या हाताने फलंदाजी आणि फिरकीपटू म्हणून संघाच्या कामगिरीमध्ये योगदान देतो.

7/24

कालच्या सामन्यातील रचिनच्या खेळापेक्षा त्याच्या नावाची आणि त्या नावामागील गोष्ट अधिक रंजक आहे.

8/24

अर्थात नावावरुन लक्षात आलं असेल त्याप्रमाणे रचिन हा मूळचा भारतीय वंशाचा खेळाडू आहे.

9/24

रचिनचे वडील रवि कृष्णमूर्ती हे सॉफ्टवेअर सिस्टीम आर्किटेक्ट आहेत. बंगळुरु जन्म झालेले रवि आणि त्यांची पत्नी दीपा हे दोघे न्यूझीलंडमध्ये स्थायिक झाले आहेत.

10/24

रचिनचा जन्म १९९९ साली न्यूझीलंडमधील वेलिंगटनमध्ये झालाय.

11/24

आज म्हणजेच १८ नोव्हेंबर रोजी रचिनचा २२ वा वाढदिवस आहे.

12/24

याच वर्षी सप्टेंबर महिन्यामध्ये रचिनने आंतरराष्ट्रीय क्रिकेटमध्ये पदार्पण केलं.

13/24

रचिनने बांगलादेशविरोधातील टी-२० सामन्यातून आंतरराष्ट्रीय क्रिकेटमध्ये पहिलं पाऊल ठेवलं.

14/24

रचिन हा एक अष्टपैलू खेळाडू आहे. बांगलादेशविरोधात त्याने सहा विकेट्स घेतल्या मात्र त्याला पाच सामन्यांमध्ये केवळ ४७ धावा करता आल्या.

15/24

फलंदाजीमध्ये फारशी चमक दाखवता न आल्यानेच त्याला टी-२० विश्वचषकासाठीच्या संघात स्थान मिळालं नाही.

16/24

रचिनचे वडील रवि हे क्रिकेटचे फार मोठे चाहते आहेत. तसेच ते भारताचा माजी क्रिकेपटू जवागल श्रीनाथचे चांगले मित्रही आहेत. रवि आणि श्रीनाथ यांनी बंगळुरुकडून स्थानिक स्तरावर काही सामने एकत्र खेळलेत.

17/24

त्यामुळेच रचिनही वयाच्या अगदी १३ व्या वर्षापासून स्पर्धात्मक क्रिकेट स्पर्धा खेळतोय.

18/24

रचिन श्रीनाथला श्री अंकल असं म्हणतो. अनेकदा ते क्रिकेट या विषयावर गप्पा मारतात, असं रचिनने एका मुलाखतीमध्ये म्हटलं आहे.

19/24

रवि आणि त्यांची पत्नी हे भारतीय क्रिकेटचे आणि त्यातही सचिन तेंडुलकर आणि राहुल द्रविडचे मोठे चाहते आहेत. त्यामुळेच त्यांनी आपल्या मुलाचं नाव रचिन असं ठेवलं आहे. यामधील र हा राहुलमधला आहे तर चिन हे सचिनमधील आहे.

20/24

वयाच्या १६ व्या वर्षीच रचिनने २०१६ च्या आयसीसीकडून आयोजित करण्यात येणाऱ्या १९ वर्षांखालील क्रिकेट विश्वचषकामध्ये भाग घेतला होता.

21/24

त्यावेळी रचिन सर्वात कमी वयामध्ये न्यूझीलंडसाठी खेळणारा खेळाडू ठरला होता.

22/24

रचिन २०१८ साली अंडर १९ क्रिकेट वर्ल्डकप खेळला आहे.

23/24

तसेच भारत अ संघाने २०१९-२० मध्ये न्यूझीलंड दौऱ्यादरम्यान खेळलेल्या सराव कसोटीमध्ये रचिन शुभमन गिलसारख्या खेळाडूंविरोधात खेळलाय. (सर्व फोटो सोशल मीडियावरुन साभार)