अभिमानास्पद! फिफाने केला भारतीय फुटबाॅलपटू सुनील छेत्रीचा सम्मान, रिलीज केली हृदयस्पर्शी मालिका, कोहलीने देखील केले अभिनंदन

भारताचा महान फुटबॉलपटू आणि कर्णधार सुनील छेत्रीला फिफाकडून मोठा सन्मान मिळाला आहे. भारतीय राष्ट्रीय फुटबॉल संघाचा कर्णधार सुनील छेत्री याच्या शानदार कारकिर्दीबद्दल फिफाने एक विशेष मालिका तयार केली आहे. 'कॅप्टन फॅन्टास्टिक' नावाची मालिका FIFA+ वर उपलब्ध आहे आणि त्यात तीन भाग आहेत. फिफा विश्वचषकाच्या अधिकृत ट्विटर अकाऊंटवर माहितीपटाची माहिती देण्यात आली आहे. आंतरराष्ट्रीय फुटबॉल नियामक मंडळाच्या मालिकेत छेत्रीचा सहभाग प्रमुख आहे, कारण तो फिफा विश्वचषक स्पर्धेत अद्याप सहभागी न झालेल्या देशाचे प्रतिनिधीत्व करतो. सुनील छेत्रीच्या या कामगिरीबद्दल त्याचा मित्र भारतीय स्टार क्रिकेटर विराट कोहलीने त्याचे विशेष अभिनंदन केले आहे. सुनील छेत्रीच्या ८४ गोल करण्याच्या पराक्रमामुळे त्याला फुटबॉलमधील महान खेळाडू ख्रिस्तियानो रोनाल्डो आणि लिओनेल मेस्सी यांच्यासोबत उभे राहण्याचा मान मिळाला आहे. FIFA+ हा जागतिक संस्थेचा एक प्रकल्प आहे आणि ही मालिका त्या प्रकल्पाचा एक भाग आहे. छेत्री सध्या राहत असलेल्या बंगळुरूमध्ये काही सीन शूट करण्यात आले आहेत. याशिवाय या मालिकेचे शूटिंग दिल्लीतही झाले आहे, जिथे त्याचे आई-वडील राहतात आणि छेत्रीचे बालपणही गेले आहे.(all photos: indian express)