PHOTOS : नरेंद्र मोदी तिसऱ्यांदा पंतप्रधानपदी; घेतली पद आणि गोपनीयतेची शपथ! पहा सोहळ्यातील खास फोटो

आज नरेंद्र मोदींना १८ व्या लोकसभेसाठी राष्ट्रपती द्रौपदी मुर्मू यांनी पंतप्रधानपदाची शपथ दिली आहे. राष्ट्रपती भवनात झालेल्या नयनरम्य सोहळ्यात मोदींनी तिसऱ्यांदा पंतप्रधानपदाची आणि गोपनीयतेची शपथ घेतली आहे. यावेळी राष्ट्रपती भवन परिसरात अनेक नागरिकांनी या सोहळ्याचे साक्षी बनण्यासाठी हजेरी लावल्याचे पाहायला मिळाले. मोदींसह इतरही मंत्र्यांनी आज शपथ ग्रहण केली आहे. एनडीए आघाडीतील घटक पक्षांच्या अनेक नेत्यांनाही आज मंत्रिमंडळात संधी मिळाली आहे. पदाची आणि गोपनीयतेची शपथ घेतल्यानंतर पंतप्रधान नरेंद्र मोदी स्वाक्षरी करताना. सायंकाळी ६ वाजल्यापासूनच राष्ट्रपती भवनावर या शपथविधी सोहळ्याला पाहण्यासाठी सर्व प्रमुख आणि इतरही नेते पोहचले. यावेळी राष्ट्रपती द्रौपदी मुर्मू यांनी हजेरी लावली तो क्षण. राष्ट्रपतींच्या परवानगीने या सोहळ्याला सुरुवात झाली. पंतप्रधान नरेंद्र मोदी, अमित शाह, राजनाथ सिंह, नितीन गडकरी, जेपी नड्डा यांनीही यावेळी शपथग्रहण केली आहे.