PHOTOS : आसामसह ईशान्य भारतात महापुराचे संकट, लाखो लोक बेघर; भूस्खलनाच्या विळख्यात प्राणीही अडकले! पाहा फोटो

आसामच्या कामरूप जिल्ह्यात आलेल्या भीषण महापुराने स्थानिक रहिवाशांच्या घरांना वेढा टाकला असून शेती पीकेही पाण्याखाली गेली आहेत. २९ जिल्ह्यांमधील १६.५० लाखांहून अधिक लोकांना या पुराचा फटका बसला आहे. (पीटीआय फोटो) आसाममधील महापुराचे हे ड्रोन कॅमेराने टिपलेले छायाचित्र आहे. ब्रह्मपुत्रा, दिगारू आणि कोलोंग सारख्या प्रमुख नद्या धोक्याची पातळी ओलांडून वाहत आहेत. (पीटीआय फोटो) आसामचे मुख्यमंत्री हिमंता बिस्वा सरमा यांनी गुवाहाटीमधील पूरग्रस्त भागाची पाहणी करून बाधितांना संपूर्ण मदतीचे आश्वासन दिले आहे. (पीटीआय फोटो) आसामच्या मालीगाव परिसरातील भूभाग मोठ्या प्रमाणात जलमय झाला असून, पुराच्या पाण्यात सातत्याने वाढ होत आहे. (पीटीआय फोटो) आसामच्या बचाव पथकांचे मदतीचे प्रयत्न सुरू आहेत, अडकलेल्या गावकऱ्यांना बाहेर काढण्यासाठी आणि आवश्यक वस्तू पुरवण्यासाठी ही पथके अथक परिश्रम करत आहेत. (पीटीआय फोटो) ईशान्य भारतात आलेल्या महापूर आणि भूस्खलनामुळे गेल्या २४ तासात किमान आठ लोकांचा मृत्यू झाला आहे, मे पासून मृतांची संख्या ४६ वर पोहोचली आहे. (पीटीआय फोटो) भूस्खलन आणि पुराचा जनजीवनावर मोठा परिणाम झाला आहे, तीन लाखांहून अधिक लोक विस्थापित झाले आहेत. (पीटीआय फोटो) IMD ने पुढील तीन दिवस आसाम, मेघालय, अरुणाचल प्रदेश आणि नागालँडसाठी 'ऑरेंज अलर्ट' जारी केला आहे. (पीटीआय फोटो) आसाममधील २८ जिल्ह्यांतील ११.३४ लाख लोक भीषण पूरस्थितीमुळे प्रभावित झाले असून काल (४जुलै) फक्त एका दिवसात ६.४४ लाख लोक प्रभावित झाले आहेत. (पीटीआय फोटो) महापूर, भूस्खलन आणि मुसळधार पाऊस या तिहेरी संकटांशी एकाचवेळी स्थानिकांना लढावे लागत आहे. नागरिकांकडून एका ठिकाणाहून दुसऱ्या ठिकाणी जाण्यासाठी बोटींचा वापर सुरु आहे. (पीटीआय फोटो) काझीरंगा राष्ट्रीय उद्यानात पुराच्या पाण्याने ११ वन्य प्राण्यांचा बळी घेतला आहे तर आणखी अडकलेल्या वन्यजीवांचे प्राण वाचविण्यासाठी बचावपथके प्रयत्नांची पराकाष्ठा करत आहेत. (पीटीआय फोटो) आतापर्यंत तब्बल ६५ प्राण्यांची सुटका करण्यात बचाव पथकांना यश मिळाले आहे तर अनेकांचे जीव अजूनही धोक्यात आहेत. (पीटीआय फोटो) हेही पाहा- Hathras Stampede: पीडित कुटुंबीयांचा राहुल गांधींसमोर एकच आक्रोश! पाहा फोटो…