सुंदर कॉरीडॉर, जटायूची भव्य मूर्ती, चांदण्यांच्या प्रकाशात राम मंदिर परिसर उजळला, पाहा मन मोहित करणारे PHOTO

अयोद्धेत २२ जानेवारी रोजी राम मंदिराचे उद्घाटन होणार आहे. मंदिराच्या बांधकामाची तयारी अंतिम स्वरुपात आली आहे. दरम्यान रामजन्मभूमी तीर्थ क्षेत्र ट्रस्टने आपल्या सोशल मीडिया अकाउंटवर मंदिराचे काही फोटो शेअर केले आहेत. उद्घाटनापूर्वी आलेली ही छायाचित्रे रात्री काढण्यात आली आहेत. रात्रीच्या वेळी दिव्यांनी उजळून निघालेले मंदिर खूप सुंदर दिसत आहे. मंदिराच्या आत भव्य कोरीव काम करण्यात आले आहे. मंदिराच्या भिंती आणि छतावर आकर्षक नक्षीकाम करण्यात आले आहे. मंदिराच्या खांबावर, भिंतीवर आणि छतावर देवदेवतांच्या मूर्ती कोरलेल्या आहेत. मंदिराच्या फरशीवरही डिझाईनिंग करण्यात आले आहे. राम मंदिराच्या प्रवेशद्वारावर गरूण मूर्तीची स्थापना करण्यात आली आहे. राम मंदिराचे गर्भगृहही तयार झाले आहे. यासोबतच राम मंदिरात अभिषेक करण्यात येणाऱ्या मूर्तीचीही निवड करण्यात आली आहे. १६ जानेवारीपासून राम मंदिराच्या अभिषेक विधीला सुरुवात होणार आहे. २२ जानेवारी रोजी पंतप्रधान मोदींच्या हस्ते राम मंदिराची प्राणप्रतिष्ठापणा होणार आहे. या सोहळ्याला देशभरातील ४ हजार संत व लाखो भाविक उपस्थि राहणार आहेत. क्रीडा, बॉलीवूड, उद्योग आणि अध्यात्माशी संबंधित अनेक व्यक्तींना या कार्यक्रमात सहभागी होण्यासाठी आमंत्रित करण्यात आले आहे. राम मंदिरात होणाऱ्या रामलल्लाच्या अभिषेकची सर्व देशवासीय आतुरतेने वाट पाहत आहेत. २३ जानेवारीपासून राम मंदिराचे दरवाजे सर्वसामान्यांसाठी खुले होणार आहेत. म्हणजेच प्राणप्रतिष्ठेच्या दुसऱ्या दिवसापासून भाविकांना रामलालाचे दर्शन घेता येईल. (फोटो स्रोत: @ShriRamTeerth/twitter)