Apple is hosting UniDAYS sale in India : ॲपलने (Apple) भारतात विद्यापीठीय विद्यार्थ्यांसाठी काही दिवसांसाठी ॲपल Unidays ऑफरची घोषणा केली आहे. या ऑफरच्या अंतर्गत मॅक, आयपॅड मॉडेल्सच्या खरेदीवर मोफत एअरपॉड्स किंवा ॲपल पेन्सिल देण्यात येणार आहे. त्याव्यतिरिक्त ॲपल केअर प्लस (AppleCare+) योजनांवर २० टक्के सूट दिली जाणार आहे; जी ॲपल एज्युकेशन स्टोअरद्वारे ३० सप्टेंबर २०२४ पर्यंत सर्व ग्राहकांसाठी उपलब्ध असेल.
कसा मिळू शकतो या ऑफरचा फायदा ?
१. या ऑफरसाठी पात्र विद्यार्थी, कर्मचारी ८९,९०० रुपयांपासून सवलतीच्या दरात MacBook Air खरेदी करू शकतात; ज्यामध्ये लायटनिंग चार्जिंग केससह एअरपॉड्स ४ (AirPods 4) सुद्धा दिले जातील.
२. तसेच ग्राहक ५४,९०० च्या सुरुवातीच्या किमतीत आयपॅड एअर खरेदी करू शकतात आणि त्याचबरोबर त्यांना एक विनामूल्य ॲपल पेन्सिलसुद्धा मिळू शकते.
३. अधिक प्रीमियम फ्लॅगशिप उपकरणांसाठीही ॲपल सूट देत आहे. उदाहरणार्थ- मॅकबुक प्रो (MacBook Pro) १,५८,९०० रुपये या सुरुवातीच्या किमतीत, तर आयपॅड प्रो ८९,९०० रुपयांपासून या सेलमध्ये दिला जाणार आहे. दोघांमध्येही एअरपॉड्स किंवा ॲपल पेन्सिलचा समावेश असणार आहे. त्याव्यतिरिक्त मॅक मिनी, आयमॅक iMac ऑफर्ससह विनामूल्य एअरपॉड्स दिले जातील.
तर या सेलमध्ये ॲपलची कोणती उपकरणे सवलतीसह उपलब्ध आहेत त्याची यादी खालीलप्रमाणे :
एम२ सह मॅकबुक एअर
एम३ सह मॅकबुक एअर
एम३ सह मॅकबुक प्रो 14-इंच
एम३ सह मॅकबुक प्रो 16-इंच
एम३ सह iMac
एम२ सह मॅक मिनी
आयपॅड प्रो १३-इंच iPad Pro 13-इंच (एम४)
आयपॅड प्रो ११-इंच (एम४)
आयपॅड प्रो १३-इंच (एम२)
आयपॅड प्रो ११-इंच (एम२)
ॲपल केअर प्लससह करा अतिरिक्त बचत :
मोफत एअरपॉड्स किंवा ॲपल पेन्सिलव्यतिरिक्त ॲपल या मॅक किंवा आयपॅड खरेदी करणाऱ्या विद्यार्थ्यांसाठी ॲपल केअर प्लस योजनांवर २० टक्के सूट देत आहे. या योजना अपघाती नुकसानीपासून संरक्षणाचीही ऑफर देतात. त्याव्यतिरिक्त ॲपल, ॲपल म्युझिक स्टुडंट प्लॅनसाठी एक विशेष डीलचीही ऑफर देण्यात येत आहे. त्यामध्ये ॲपल टीव्ही प्लसवर विनामूल्य प्रवेशदेखील दिला जाणार आहे.
ॲपल Unidays ऑफरचा लाभ कसा घ्यावा?
ॲपल Unidays ऑफर केवळ विद्यापीठ किंवा शैक्षणिक संस्था आयडी असलेल्या विद्यार्थी व कर्मचाऱ्यांसाठी असणार आहे. या ऑफरचा लाभ घेण्यासाठी ग्राहकांनी त्यांच्या विद्यार्थी किंवा कर्मचाऱ्यांचा स्टेट्स थर्ड पार्टी सर्व्हिसद्वारे व्हेरिफाय करणे आवश्यक आहे. व्हेरिफाय प्रक्रिया ग्राहकांना Unidays वेबसाइटवर रिडायरेक्ट करील; जिथे ते त्यांची खरेदी करू शकतील. तसेच ही ऑफर केवळ ३० सप्टेंबर २०२४ पर्यंत लागू असणार आहे.
- सगळ्यात पहिला https://www.myunidays.com/IN/en-IN/partners/apple/view या वेबसाईटवर जा.
- येथे तुमचा विद्यार्थी क्रमांक (स्टुडंट आयडी) टाकून तुम्ही विद्यार्थी असल्याची खात्री करा.
- पुढे, ऑन-स्क्रीन सूचनांचे अनुसरण करा आणि आवश्यकतेनुसार माहिती तेथे भरा.
© IE Online Media Services (P) Ltd