Facebook, इंस्टाग्रामची मूळ कंपनी असणाऱ्या Meta ने AI चे नवीन मॉडेल लॉन्च केले आहे. या लेटेस्ट मॉडेलच्या मदतीने वस्तू ओळखणे सोपे होणार आहे. याशिवाय मेटाने Image annotation डेटासेट लॉन्च केला आहे. याच्या मदतीने वापरकर्ते फोटो आणि व्हिडिओमध्ये उपस्थित ऑब्जेक्ट सहजपणे ओळखण्यास सक्षम असतील आणि ते पुढे त्याचा वापर करू शकतील.
मेटाने आपल्या लेटेस्ट ब्लॉगपोस्टमध्ये सांगितले की, मेटाच्या रिसर्च विभागाने एक अ‍ॅडव्हान्स ऑब्जेक्ट ओळखण्याचे मॉडेल तयार केले आहे. त्याचे नाव सेगमेंट एनीथिंग मॉडेल (SAM ) असे आहे. SAM चे डिझाईन SAM फोटो आणि व्हिडिओमधील ऑब्जेक्ट ओळखण्यासाठी डिझाइन केले आहे. हे मॉडेल सध्या ट्रेनिंग फेसमध्ये आहे.
Sam मॉडेल आणि डाटासेट डाउनलोड करण्यासाठी उपलब्ध करण्यात आले आहे. SAM मॉडेल आणि डेटासेट हे गैर-व्यावसायिक परवान्याअंतर्गत समाविष्ट आहेत. तथापि जर कोणी आपला फोटो अपलोड केला तर कंपनी तो फोटो संशोधनासाठी वापरू शकते हे लक्षात ठेवणे आवश्यक आहे. भविष्यामध्ये SAM मॉडेलचा उपयोग अनेक अ‍ॅप्लिकेशनमध्ये केला जाऊ शकतो. ज्यामुळे फोटोमधील ऑब्जेक्टची माहिती शोधण्यात मदत होईल. AI सिस्टीम तयार करण्यासाठी SAM मॉडेल मोठ्या प्रमाणात उपयुक्त ठरू शकते.
टेक्नोलॉजी क्षेत्रातील अनेक दिग्गज कंपन्यांचे असे म्हणणे आहे की, SAM मॉडेल कंटेंट निर्माण करणाऱ्यांसाठी एकापेक्षा जास्त मॉडेल्समध्ये वापरले जाऊ शकते. यासोबतच वापरकर्ते व्हिडिओ आणि फोटोमध्ये इमेज वेगळे करू शकतील.तसेच हे मॉडेल वैज्ञानिक संशोधनात वापरले जाऊ शकते. शास्त्रज्ञ फोटो आणि व्हिडिओ फुटेजमध्ये उपस्थित असलेल्या ऑब्जेक्ट वरून प्राण्याला ट्रॅक करण्यास सक्षम असतील.