Noise two wireless headphones : स्पष्ट आवाजासाठी हेडफोनला प्रचंड मागणी आहे. व्हिडिओ, गाणी एडिट करण्यासाठी त्यांचा मोठ्या प्रमाणात वापर होतो. बाजारात वायरलेस हेडफोन्स देखील मिळतात. ‘नॉइस टू’ने ग्राहकांसाठी १ हजार ४९९ रुपयांमध्ये वायरलेस ओवर इअर हेडफोन्स उपलब्ध केले आहेत. विशेष म्हणजे, हे हेडफोन्स ५० तासांची बॅटरी लाईफसह मिळत आहेत.
दीर्घकाळ हेडफोन वापरता यावा यासाठी हेडफोन्सच्या कप्सना मऊ पॅडिंग देण्यात आल्याचे कंपनीचे म्हणणे आहे. हेडफोन्स ५० तासांचा प्लेटाईम देतात, असा कंपनीचा दावा आहे. मात्र, हेडफोनआड येणारे आवाज कमी करण्यासाठी फायदेशीर ठरणारे अ‍ॅक्टिव्ह नॉइस कॅन्सलेशन तंत्रज्ञान यात नाही.
(ओप्पोचा स्वस्त 5G फोन झाला लाँच; ८ तास गेमिंग, ५० एमपी कॅमेरासह मिळत आहेत भन्नाट फीचर्स)
किंमत
नॉइस टू वायरलेस हेडफोन्सची किंमत १ हजार ४९९ रुपये आहे. अमेझॉन, फ्लिपकार्ट, मिंत्रा आणि गो नॉइस इ स्टोअरवरून तुम्ही हे हेडफोन्स खरेदी करू शकता.
फीचर्स
नॉइस टू वायरलेस हेडफोन्स हे एन्ट्री लेव्हल हेडफोन्स असल्याचे कंपनीचे म्हणणे आहे. ते ब्ल्युटूथद्वारे कोणत्याही स्मार्टफोन, टॅबलेट किंवा संगणकाशी जोडता येतात. फोनमध्ये ड्युएल पेअरिंग फीचर मिळते. या फीचरने हेडफोन लॅपटॉप किंवा स्मार्टफोनशी एकाचवेळी जोडता येऊ शकते.
काय आहे कम्युनिटी फीचर? व्हॉट्सअ‍ॅपमध्ये असे करा तयार)
हेडफोन्सना आयपीएक्स ५ रेटिंग मिळाले आहे. या रेटिंगने हेडफोन्स वॉटर रेझिस्टेंट असल्याची खात्री मिळते. हेडफोन्समध्ये ब्ल्युटूथ, ऑक्स, एसडी कार्ड आणि एफएम असे चार मोड देण्यात आले आहेत. चार्जिंगसाठी हेडफोनमध्ये टाइप सी पोर्ट मिळते. हेडफोन्समध्ये ४० एमएम ड्रायव्हर आणि ट्रु बास मिळते. याने तुम्हला प्रत्येक बीट स्पष्ट ऐकू येईल, असा कंपनीचा दावा आहे. तसेच, हेडफोन्समध्ये ४० एमएसपर्यंत लो लॅटेन्सी मिळते. याने गेमिंग किवा चित्रपट पाहताना आवाजात अडथळा येणार नाही, असे कंपनीचे म्हणणे आहे.