तंत्रज्ञानाचं युग असल्याने अभासी जगात वावर वाढला आहे. सोशल मीडियाच्या माध्यमातून एकमेकांशी संपर्क होत आहे. फेसबुक, इन्स्टाग्राम, ट्विटर यासारखे सोशल मीडिया अ‍ॅपवरून व्यक्त होता येतं. मात्र ऑनलाइन गेमर्ससाठी या सोशल मीडिया प्लॅटफॉर्मवर तितका वाव नसल्याचं समोर आलं आहे. ही गरज पाहता ऑनलाइन गेमर्ससाठी भारतीय स्टार्टअप कंपनीने क्लान हे सोशल मीडिया अ‍ॅप तयार केलं आहे. या माध्यमातून ऑनलाइन गेमर्संना नवा प्लॅटफॉर्म मिळणार आहे. “आजचे गेमर खूप वेगळ्या पद्धतीने काम करतात. त्यांना एकमेकांशी संवाद साधायला आवडते. या विषयावर चर्चा करताना एक नातं निर्माण होतं. कारण त्यांची गेमप्रती रुची असते.”, असं क्लानचे सीईओ सागर नायर यांनी सांगितलं. हा सोशल मीडिया प्लॅटफॉर्म ईस्पोर्ट चाहते आणि गेमर्ससाठी समर्पित असणार आहे. “गेल्यावर्षीच्या उत्तरार्धात क्लानवर काम करण्यास सुरुवात केल्यानंतर लिंकडिन आणि इन्स्टाग्राम सोशल मीडिया प्लॅटफॉर्म गेमिंगला व्यवसाय म्हणून ओळखत नाही. त्यामुळे ही संकल्पना पुढे आली. यामुळे गेमर्संना त्यांची ओळख मिळणार आहे.”, असंही त्यानी पुढे सांगितलं. क्लान सध्या बीटा टप्प्यात आहे आणि लवकरच अँड्रॉइड आणि आयओएस दोन्ही प्लॅटफॉर्मवर लाइव्ह असेल.
” सोशल नेटवर्क्स प्लॅटफॉर्मवर गेमर्सचा समुदाय असला तरीही बहुधा ते विखुरलेले असतात आणि एकमेकांशी फारच कमी संवाद साधतात. मात्र क्लान त्यांना एकत्र करण्‍याचा प्रयत्‍न करत आहे. ईस्पोर्ट खेळाडूंसह सर्व कुशल गेमरना एकाच प्लॅटफॉर्मवर आणणार आहे. समान रूची असलेले गेमर्स एकत्र येतील. हे तुम्हाला लिंकडिन आणि इन्स्टाग्रामवर सापडणार नाही.” असं नायर यांनी सांगितलं. “एका गेमरला दुसऱ्या गेमरसोबत जोडणं केवळ हाच हेतू नाही. तर गेमिंग प्रोफाइलमुळे त्यांचं कौशल्य, गेममधील प्रतिभा आणि बरंच काही दर्शवू शकतात. गेमर दुसरं काही करत नाही हा समजही दूर होण्यास मदत होईल. गेमर्स डिझाइनर्स असू शकतात. ते कास्टिंग व्हिडिओ एडिटिंग देखील करतात. काही लिहिण्यात चांगले आहेत. तर काहींना ईस्पोर्ट पत्रकार व्हायचे आहे”, असंही त्यांनी पुढे सांगितलं.
Tips: अँड्रॉइड फोनमध्ये ‘या’ चुका करू नका; अन्यथा डिव्हाइस होऊ शकतं हॅक
संपूर्ण गेमिंग समुदाय ज्यामध्ये ईस्पोर्ट, मोबाइल गेमर, कन्सोल गेमर, पीसी गेमर आणि व्यावसायिकांचा समावेश आहे. नायर आणि त्यांच्या टीमने नेटिव्ह कंटेंट आणि जाहिरातींच्या शक्यतेवर चर्चा केली आहे. पण ते तेव्हाच होईल जेव्हा प्लॅटफॉर्मला मोठा वापरकर्ता वर्ग मिळेल.