sources said jio will launch laptop worth 15 thousand | Loksatta

रिलायन्स जिओ ग्राहकांसाठी आणणार बजेट लॅपटॉप, इतकी असणार किंमत

एक आनंदाची बातमी समोर आली आहे. रिलायन्स जिओ ग्राहकांसाठी एक स्वस्त लॅपटॉप आणणार आहे. या लॅपटॉपची किंमत १५ हजार असणार आहे, अशी माहिती दोन सुत्रांनी रॉयटर्सला दिली आहे.

रिलायन्स जिओ ग्राहकांसाठी आणणार बजेट लॅपटॉप, इतकी असणार किंमत
प्रतिकात्मक छायाचित्र (pic credit – pixabay)

ऑफिसचे काम असो किंवा मनोरंजन यासाठी लॅपटॉपचा मोठ्या प्रमाणात वापर होतो. त्याला कुठेही नेता येत असल्याने त्यावरून काम करणे सोयीचे ठरते. मात्र त्यातील प्रगत तंत्रज्ञानामुळे त्याची किंमत अधिक असते. त्यामुळे अनेकांना तो परवडत नाही. मात्र, एक आनंदाची बातमी समोर आली आहे. रिलायन्स जिओ ग्राहकांसाठी एक स्वस्त लॅपटॉप आणणार आहे. या लॅपटॉपची किंमत १५ हजार असणार आहे, अशी माहिती दोन सुत्रांनी रॉयटर्सला दिली आहे.

रिलायन्स जिओ लवकरच एक स्वस्त ४ जी लॅपटॉप भारतात लाँच करेल. या लॅपटॉपची किंमत १५ हजार रुपयांपेक्षा कमी असेल आणि त्यात ४ जी सीम असेल. कंपनी स्वस्त जिओ फोनच्या धर्तीवर हा लॅपटॉप ग्राहकांसाठी उपलब्ध करणार आहे. या लॅपटॉपचे नाव जिओ बूक असेल.

(५ जीचाही वेग ओलांडणार ‘ही’ कंपनी, १०० जीबीपीएस ब्रॉडबँड स्पीड देण्याची योजना)

लॅपटॉप बनवण्यासाठी रिलायन्स जिओने क्वालकॉम आणि मायक्रोसॉफ्ट सारख्या मोठ्या कंपन्यांशी भागिदारी केली आहे. क्वालकॉम कंपनी जिओच्या लॅपटॉपसाठी आर्म लिमिटेडच्या तंत्रज्ञानाने निर्मित चिपसेट देणार आहे, तर लॅपटॉपमधील काही अ‍ॅप्स हे मायक्रोसॉफ्टच्या सहाय्याने चालतील.

आधी शाळांना मिळणार लॅपटॉप

रिलायन्स जिओचे भारतात ४२ कोटींपेक्षा अधिक ग्राहक आहेत. मात्र त्यांनी या लॅपटॉपबद्दल कुठलीही अधिकृत माहिती दिलेली नाही. लॅपटॉप आधी शाळा आणि सरकारी संस्थांसाठी उपलब्ध केला जाणार आहे. त्यानंतर इतरांसाठी हा लॅपटॉप उपलब्ध होणार आहे, अशी सुत्रांची माहिती आहे.

(5G in iphone : तुमच्या आयफोनमध्ये ५ जी आहे का? अ‍ॅपल यूजरना कोणत्या शहरात ५ जी सेवा मिळणार? जाणून घ्या सर्व प्रश्नांची उत्तरे)

जिओ ऑपरेटिंग सिस्टिमवर चालणार लॅपटॉप

जिओबूकचे उत्पादन भारतातच फ्लेक्स कंपनीद्वारे होणार आहे. तसेच हा लॅपटॉप जिओच्या स्वत:च्या जिओ ओएस या ऑपरेटिंग सिस्टिमवर चालणार आहे. जिओ स्टोअरवरून या लॉपटॉपसाठी अ‍ॅप्स डाऊनलोड करता येणार आहे. जिओ कार्पोरेट कर्मचाऱ्यांसाठी टॅबलेटचा पर्याय म्हणून हा लॅपटॉप उपलब्ध करणार आहे.

मराठीतील सर्व तंत्रज्ञान ( Tech ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
Instagram ने लाँच केला हटके फीचर, काय आहे खास जाणून घ्या एका क्लिकवर…

संबंधित बातम्या

विश्लेषण: एलॉन मस्कच्या ट्विटरला नाकारत ब्राझीलच्या नागरिकांचं भारतीय Koo App ला प्राधान्य; दोघांमध्ये नेमका फरक काय?
Best Recharge Plan: मस्तच! ३९५ रुपयांमध्ये अमर्यादित कॉलिंग आणि डेटाचा लाभ घ्या; तीन महिन्याच्या वैधतेसह उपलब्ध
Android १३ च्या फिचर्सवरून अखेर पडदा उठला; वॉलपेपर इफेक्‍ट, मीडिया कंट्रोल आणि बरंच काही…
ड्युअल सिममध्ये एअरटेलचे कार्ड वापरताय? फक्त नंबर चालू ठेवायचा असेल तर सर्वात स्वस्त रिचार्ज प्लॅन कोणते जाणून घ्या
टायटनचे EyeX Smart Glasses लॉंच; फिटनेस ट्रेकिंग, टच कंट्रोलसोबतच ‘हे’ असतील आकर्षक फीचर्स

व्हिडिओ

ताज्या बातम्या
Video : भिंतीचा आधार घेत पार्टीतून बाहेर पडली सोहेल खानची पूर्वाश्रमीची पत्नी; नेटकरी म्हणाले, “धड चालताही…”
पैशांचा अपहार झालाय? चिंता करू नका, Cyber Fraud झाल्यावर या नंबरवर कॉल करा अन् पैसै वाचवा
“…तेव्हा तेव्हा विक्रमकाका तुमची उणीव भासत राहील” अमोल कोल्हे हळहळले
‘Squid Game’ या लोकप्रिय वेबसीरिजमधील अभिनेत्यावर लैंगिक शोषणाचा आरोप; पाच वर्षांपूर्वी घडलेला प्रकार आला समोर
“गुवाहाटीला जाण्यासाठी शिंदे गटाकडे पैसे कुठून आले?” चार्टर्ड विमानाच्या प्रवासावरून प्रश्नचिन्ह उपस्थित, चौकशीची मागणी