विज्ञानाने इतकी प्रचंड प्रगती केली आहे की आता फक्त बोलायचा उशीर की गोष्टी घडायला सुरुवात होते. या प्रगतीचा वेग पाहता आता तो दिवस दूर नाही जेव्हा माणूस स्वतः मानवाला कृत्रिमरीत्या तयार करू शकेल. सोबतच वैज्ञानिक पद्धतीने छोट छोटे किटक सुद्धा तयार करतील. याची पहिली पायरी विज्ञानाने यशस्वी पार केली आहे. नॉर्थवेस्टर्न विद्यापीठाच्या इंजिनीअर्सच्या चमूने नुकताच जगातील सर्वात छोट्या खेकडा रोबोचा शोध लावलाय.

या बातमीसह सर्व प्रीमियम कंटेंट वाचण्यासाठी साइन-इन करा

या रोबोचा आकार छोट्याश्या मुंगीपेक्षाही लहान आहे. हा रोबो पीकीटो खेकड्याच्या आकारामध्ये बनवण्यात आलाय. पेकेटोस हे लहान खेकडे असतात, जे फक्त अर्धा मिलिमीटर लांबीचे असतात, वाकू शकतात, वळू शकतात, सरपटू शकतात, चालतात आणि अगदी उड्या देखील मारू शकतात. संशोधकांनी मिलिमीटर आकाराचे रोबोट्स देखील तयार केले आहेत, जे इंचवर्म्स, क्रिकेट आणि बीटलसारखे दिसतात. पण याबाबत शास्त्रज्ञ अद्याप त्याच्या सुरुवातीच्या टप्प्यात संशोधन करत आहेत. संशोधकांना आशा आहे की त्यांच्या तंत्रज्ञानामुळे त्यांना जगातील सर्वात लहान रोबोट विकसित करण्यात मदत होईल जे अतिशय छोट्यातल्या छोट्या जागेत काम करू शकतील.

हे संशोधन सायन्स रोबोटिक्समध्ये प्रकाशित झाले आहे. मुंगीपेक्षाही लहान असलेला हा रोबोट क्लिष्ट मशिनरी, हायड्रॉलिक किंवा विजेवर चालत नाही. त्याऐवजी, त्याची शक्ती शरीराच्या इलॅस्टिसिटी आणि लवचिकतेतून येते.

आणखी वाचा : Multiple Bank Account: एका व्यक्तीकडे एकापेक्षा जास्त बँक खाती असण्याचे काय फायदे आणि तोटे आहेत?

रोबोट तयार करण्यासाठी संशोधकांनी शेप-मेमरी अलॉयचा वापर केला आहे. हे शेप मेमरी अलॉय गरम झाल्यावर त्याच्या निर्धारित आकारात बदलतो. संशोधकांच्या टीमने स्कॅनिंग लेसर बीमचा वापर करून रोबोच्या शरीरावरील विविध जागा त्वरीत गरम केले. थंड झाल्यावर काचेचा पातळ थर संरचनेतील विकृत घटकांना त्यांच्या मूळ आकारात आणतो.

संशोधनाचे नेतृत्व करणारे जॉन ए. रॉजर्स म्हणाले की, “रोबोटिक्स हे संशोधनाचे एक रोमांचक क्षेत्र आहे आणि मायक्रोस्कोपिक रोबोट्सचा विकास हा शैक्षणिक शोधासाठी एक मजेदार विषय आहे. तुम्ही सूक्ष्म रोबोट्सची कल्पना करू शकता. ” त्यांचा वापर केला जाऊ शकतो. उद्योगात लहान संरचना किंवा यंत्रे दुरुस्त करण्यासाठी किंवा एकत्र करण्यासाठी तसंच बंद झालेल्या धमन्या साफ करण्यासाठी, अंतर्गत रक्तस्त्राव थांबवण्यासाठी, कर्करोगाच्या गाठी काढून टाकण्यासाठी शस्त्रक्रिया सहायक म्हणून देखील हे सूक्ष्म रोबो काम करू शकतील.

लोकोमोशन रोबोटच्या एका टप्प्यातून दुसऱ्या टप्प्यात संक्रमणाच्या स्वरूपात तयार केले जाते, जे आकार बदलण्याचे कार्य करते. लेसर केवळ रोबोटला दूरस्थपणे सक्रिय करत नाही तर लेसर स्कॅनिंग त्याच्या हालचालीची दिशा देखील ठरवते.

मराठीतील सर्व तंत्रज्ञान बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: World smallest crab like remote controlled walking robot developed smaller than ants news prp
First published on: 26-05-2022 at 19:06 IST