Indian Cobra Viral Video: सोशल मीडियावर गेल्या काही दिवसांपासून नागांच्या व्हिडीओजने धुमाकूळ घातला आहे. कारण रानावनात, गवतात, तर कधी मानवी वस्तीत सरपटणाने थतरनाक नाग दिसेल त्या व्यक्तीसमोर फणा काढल्याशिवाय राहत नाहीत. जणू काही या नागांनी मानवी वस्तीत दहशतच माजवली आहे. अशाच प्रकारचा नागाचा एक व्हिडीओ सोशल मीडियावर तुफान व्हायरल झाला आहे. एक तरुणी घरात जात असताना एक नाग तिच्यासमोर फणा काढून बसतो. एका घराच्या पायऱ्यांवर हा नाग फणा काढून बसलेला व्हायरल झालेल्या व्हिडीओत दिसत आहे. नागाने फणा काढल्यानंतर जे काही घडलं ते पाहून तुमच्या अंगावर काटा आल्याशिवाय राहणार नाही. कारण नाग विषारी साप असल्याने भल्या भल्यांचा थरकाप उडतो. या थरारक व्हिडीओनंही नेटकऱ्यांचा थरकाप उडवला आहे.
पायऱ्यांवर नागाने फणा काढल्यावर तरुणीने भन्नाट शक्कल लढवली, पाहा व्हिडीओ
नागाचा हा खतरनाक व्हिडीओ एका युजरने ट्विटरवर शेअर केला आहे. एका घरातील पायऱ्यांवरून तरुणी जात असताना हा नाग तिच्यासमोर आक्रमक होऊन फणा काढताना या व्हिडीओत दिसत आहे. या नागाला पाहून लोकांची पळापळ झाली, तेव्हा एक तरुणी त्याच्यासमोर आली आणि तिने त्या नागाची शेपटी पकडली. त्यानंतर या विषारी सापाला या तरुणीने अतिशय काळजीपूर्वक हाताळून एका पास्टिकच्या डब्ब्यात बंद केलं. तरुणीचं हे धाडस पाहून सोशल मीडियावर नेटकऱ्यांनी कौतुकाचा वर्षाव केला आहे.
इथे पाहा व्हिडीओ
या तरुणीने प्लास्टिकच्या डब्ब्याला उलटं करुन हाता धरलं आणि नागाच्या फण्यावरून तो डब्बा टाकून नागाला त्यात बंद केलं. सुरुवातील संपूर्ण साप डब्ब्यात जात नसल्याचं या व्हिडीओत पाहायला मिळत आहे. पण त्यानंतर डब्ब्याचं झाकण खालून बंद करायला घेतल्यावर तो नाग आतमध्ये शिरला. नाग पूर्णपणे डब्ब्यात गेल्यानंतर तरुणीने झाकण लावलं आणि त्यानंतर या नागावर तरुणीला नियंत्रण ठेवता आलं. हा व्हिडीओ इंटरनेटवर व्हायरल झाल्यानंतर नेटकऱ्यांनी भन्नाट प्रतिक्रिया दिल्या आहेत. एका नेटकऱ्याने म्हटलं, “हा साप जीवघेणा आहे.” तर दुसरा नेटकरी म्हणाला, “हे काम एक्सपर्टनेच केलं पाहिजे, नाहीतर कोणत्याही प्रकारचा धोका निर्माण होऊ शकतो.